ຕາມຂ່າວຈາກວິທະຍຸສາກົນຫວຽດນາມ, ເມື່ອບໍ່ດົນມານີ້, ສູນຄົ້ນຄວ້າພັດທະນາວິສາຫະກິດອາຊີ ສົມທົບກັບ ສະມາຄົມ ວິສາຫະກິດ ຫວຽດນາມ ປະຈຳ ມາເລເຊຍ (VNBIZ) ຈັດເວທີປາໄສ ຮ່ວມມື ເສດຖະກິດ ຫວຽດນາມ-ອາຊຽນ ແລະ ພິທີປະກາດ ເຄື່ອງໝາຍການ ຄ້າດີເດັ່ນ ອາຊຽນ ຄັ້ງທີ 7, ການນຳດີເດັ່ນ ອາຊຽນ 2023 ແລະ ຜະລິດ ຕະພັນ-ການບໍລິການ ມີຄຸນນະພາບ ອາຊຽນ 2023.ໃນນັ້ນ, ເວທີປາໄສ ຮ່ວມມື ເສດຖະກິດ ຫວຽດນາມ-ອາຊຽນ ແລະ ພິທີປະກາດ ເຄື່ອງໝາຍ ການ ຄ້າ ດີເດັ່ນ ອາຊຽນ ແມ່ນກາລະໂອກາດ ເພື່ອໃຫ້ບັນດາ ວິສາຫະກິດ ຫວຽດນາມ ແລະ ອາຊຽນ ພົບປະແລກປ່ຽນ, ຮ່ວມມືເຊື່ອມຕໍ່ ການລົງທຶນ, ສ້າງທ່ວງທ່າ ຊຸກຍູ້ບັນດາ ວິສາຫະກິດ ສືບຕໍ່ ພັດທະນາ, ຍົກສູງມູນຄ່າ ເຄື່ອງໝາຍການຄ້າ.ຈາກນັ້ນ ທ່ານ ແອນດຣີວ ໂກ ບູນ ຄິມ (Andrew Goh Boon Kim), ຮອງປະທານ, ສະຫະພັນ ບັນດາ ນັກຜະລິດ ມາເລເຊຍ, ຫ້ອງການ ການຄ້າ ແລະ ອຸດສາຫະກຳ ແຫ່ງຊາດ ມາເລເຊຍ (NCCIM) ປາດຖະໜາວ່າ: ບັນດາ ບໍລິສັດຂອງ ຫວຽດນາມ ແລະ ມາເລເຊຍ ໃຊ້ທ່າ ແຮງ ຍຸດທະສາດ ເພື່ອເປີດກວ້າງ ຂອບເຂດ ແລະ ປັບປຸງ ທີ່ຕັ້ງຢູ່ ພາກພື້ນ ອາຊຽນ, ພ້ອມທັງ ໃຫ້ຄຳໝັ້ນສັນຍາຍູ້ແຮງການພົວພັນຮ່ວມມືດ້ານເສດຖະກິດ ລະຫວ່າງ 2 ປະເທດ ໃຫ້ຫລາຍກວ່າເກົ່າ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
