ຕາມຂ່າວຈາກສິງກະໂປ ວັນທີ 10 ເມສານີ້ Saudi Aramco ແມ່ນບໍລິສັດນ້ຳມັນແຫ່ງໃຫຍ່ ຂອງອາຣັບບີຊາອຸດິດ ຈະຈັດສົ່ງ ນ້ຳມັນດິບ ໃຫ້ແກ່ຜູ້ຊື້ໃນອາຊີເໜືອເຕັມໂຄຕາ ຕາມສັນຍາງວດສົ່ງມອບເດືອນພືດສະພານີ້ ເຖິງວ່າຈະປັບຫລຸດກຳລັງການຜະລິດລົງວັນລະ 500.000 ຖັງຕໍ່ວັນ. ຂະນະທີ່ກຸມປະເທດຜູ້ສົ່ງອອກນ້ຳມັນ (OPEC) ແລະ ປະເທດ ນອກກຸ່ມ OPEC ປະກາດວ່າ: ຈະປັບຫລຸດກຳລັງການຜະລິດເຖິງວັນລະ 1,16 ລ້ານຖັງ ຕໍ່ວັນ ຕັ້ງແຕ່ເດືອນພືດສະພາ ໄປຈົນເຖິງທ້າຍປີນີ້ຈະສົ່ງຜົນກະທົບຕໍ່ປະລິມານນ້ຳມັນໃນອາຊີ ຊຶ່ງເປັນຕະຫລາດນຳເຂົ້ານ້ຳມັນດິບແຫ່ງໃຫຍ່ທີ່ສຸດໃນໂລກ.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
