ສຳນັກຂ່າວຊິນຮວາ ຂອງ ສປຈີນ, ຂໍ້ຕົກລົງການຄ້າເສລີ ລະຫວ່າງອິດສະຣາແອນ-ສະຫະນະຄອນເອເມເຣັດອາຣັບ (ຢູເອອີ ) ເລີ່ມມີຜົນບັງຄັບໃຊ້ ເມື່ອວັນທີ 26 ມີນາ ຊຶ່ງເປັນຂໍ້ຕົກລົງທາງເສດຖະກິດຮູບແບບດັ່ງກ່າວ ສະບັບທຳອິດທີ່ອິດສະຣາແອນ ໄດ້ບັນລຸ ຮ່ວມກັບໜຶ່ງໃນປະເທດ ອາຣັບ. ໂດຍ ເຈົ້າໜ້າທີ່ ທັງສອງຝ່າຍ ຮ່ວມລົງນາມ ໃນຂໍ້ຕົກລົງ ທາງພາສີ ສົ່ງຜົນໃຫ້ ຂໍ້ຕົກລົງ ການຄ້າເສລີ ທີ່ ລົງນາມ ເມື່ອເດືອນພືດສະພາ ປີ 2022 ມີຜົນບັງຄັບໃຊ້, ຊຶ່ງມີ ການຄາດການວ່າ ຂໍ້ຕົກລົງເບື້ອງຕົ້ນ ຈະຫລຸດພາສີ, ຄ່າຄອງຊີບ ແລະ ເພີ່ມປະລິມານ ທຸລະກິດ ລະຫວ່າງ ສອງປະເທດ. ໂດຍ ບໍລິສັດຂອງ ອິດສະຣາແອນ ຈະສາມາດ ເຂົ້າເຖິງ ການປະກວດລາຄາ ຂອງ ລັດຖະບານ ສະຫະນະຄອນ ເອເມເຣັດອາຣັບ ເປັນຫຸ້ນສ່ວນ ທາງດການຄ້າ ຂະໜາດໃຫຍ່ ອັນດັບ 16 ຂອງ ອິດສະຣາແອນ ດ້ວຍມູນຄ່າ ການຄ້າທະວີພາຄີ ຫລາຍກວ່າ 2,5 ຕື້ໂດລາ ສະຫະລັດ ໃນປີ 2022.
