ຕາມຂ່າວຈາກວິທະຍຸສາກົນ ແຫ່ງ ສປ ຈີນ,ວັນທີ 27 ມີນານີ້ ກະຊວງອຸດສາຫະກຳ ແລະ ເຕັກໂນໂລຊີຂໍ້ມູນຂ່າວສານ ຂອງ ສປ ຈີນ ເປີດເຜີຍວ່າ: ນັບແຕ່ເດືອນ ມັງກອນ ຫາເດືອນ ກຸມພາ ປີນີ້, ຂະແໜງການບໍລິການດ້ານຊອບແວ ແລະ ເຕັກໂນໂລຊີຂໍ້ມູນຂ່າວສານ ຂອງ ສປ ຈີນ ໄດ້ພັດທະນາ ໄປສູ່ທິດທາງທີ່ດີຢ່າງໜັກແໜ້ນ, ລາຍຮັບຈາກທຸລະກິດຊອບແວ ໄດ້ບັນລຸເຖິງ 1.446 ຕື້ກວ່າຢວນ, ເພີ່ມຂຶ້ນ 11% ເມື່ອທຽບໃສ່ ປີກາຍ, ກຳໄລຂະແໜງການຊອບແວ ໄດ້ບັນລຸເຖິງ 176 ຕື້ກວ່າຢວນ, ເພີ່ມຂຶ້ນ 12,2% ເມື່ອທຽບໃສ່ ໄລຍະດຽວກັນ ຂອງປີກາຍ. ຂົງເຂດຍ່ອຍໃນຂະແໜງການບໍລິການຊອບແວ ແລະ ເຕັກໂນໂລຊີຂໍ້ມູນຂ່າວສານໄດ້ພັດທະນາໄປສູ່ທິດທາງທີ່ດີ.
ລາຍຮັບ ຈາກຜະລິດຕະພັນຊອບແວ ໄດ້ບັນລຸເຖິງ 337 ຕື້ກວ່າຢວນ, ເພີ່ມຂຶ້ນ 9,5% ເມື່ອທຽບໃສ່ ປີກາຍ. ລາຍຮັບ ຈາກການ ບໍລິການ ເຕັກໂນໂລຊີ ຂໍ້ມູນ ຂ່າວສານ ໄດ້ບັນລຸເຖິງ 943 ຕື້ກວ່າຢວນ, ເພີ່ມຂຶ້ນ 11,6% ເມື່ອທຽບໃສ່ ປີກາຍ./.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
