ຕາມຂ່າວຈາກພະນົມເປັນ ວັນທີ 23 ກຸມພານີ້ ເດັກຍິງຊາວກຳປູເຈຍ ອາຍຸ 11ປີ ເສຍຊີວິດຍ້ອນພະຍາດໄຂ້ຫວັດສັດປີກ ເປັນລາຍທຳອິດຂອງປະເທດໃນຮອບຫລາຍປີຜ່ານມາ ຫລັງຈາກສຳນັກງານຄວບຄຸມຕິດຕໍ່ຂອງກຳປູເຈຍ ຖະແຫລງ ກ່ຽວກັບເດັກຍິງເລີ່ມປິ່ນປົວ ໃນວັນທີ 16 ກຸມພາ ໂດຍມີອາການເປັນໄອ, ມີໄຂ້ສູງ ແລະ ອາການເຈັບຄໍ ຈາກນັ້ນໄດ້ເສຍຊີວິດຢູ່ໂຮງໝໍ ຫລັງຈາກຕິດເຊື້ອພະຍາດໄຂ້ຫວັດສັກປີກສາຍພັນ H5N1 ເປັນບວກ ເປັນຜູ້ຕິດເຊື້ອພະຍາດດັ່ງກ່າວກໍລະນີທີ່ 57 ຂອງປະເທດ.
ຂໍ້ມູນຈາກອົງການອະນາໄມໂລກລະບຸວ່າ: ນັບຕັ້ງແຕ່ປີ2003 ເປັນຕົ້ນມາທົ່ວໂລກມີຄົນເສຍຊີວິດຈາກພະຍາດໄຂ້ຫວັດສັດປີກຫລາຍກວ່າ 450 ຄົນ ແລະ ນັບແຕ່ທ້າຍປີ 2022 ເປັນຕົ້ນມາເອີຣົບ ມີໄຂ້ຫວັດສັດປີກແພ່ລະບາດ ຄັ້ງໃຫຍ່ສຸດທີ່ເຄີຍມີມາ. ຂະນະທີ່ອາເມລິກາເໜືອ ແລະ ອາເມລິກາໃຕ້ມີການແພ່ລະບາດໃຫຍ່ເຊັ່ນກັນ: ເຮັດໃຫ້ຕ້ອງ ກຳຈັດສັດປີກຫລາຍສິບລ້ານໂຕສ່ວນໃຫຍ່ຕິດເຊື້ອສາຍພັນ H5N1.
(ບັນນາທິການຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
