ທັບນັກກິລາບານເຕະຄົນພິການ ນະຄອນຫຼວງວຽງຈັນ ປະເດີມສະໜາມທຳອິດ ໃນຕອນເຊົ້າມື້ນີ້ 15 ກຸມພາ 2023 ທີ່ສະໜາມຫຍ້າທຽມ ເຊື້ອໄຟລາວ ສາຂາແຂວງຊຽງຂວາງ ສາມາດໄລ່ເອົາຊະນະ ແຂວງວຽງຈັນ 2-1 ປະຕູ ໃນການແຂ່ງຂັນກິລາເຕະບານຊາຍ ໃນງານມະຫະກຳກິລາຄົນພິການແຫ່ງຊາດ ຄັ້ງທີ 3 ຫຼື “ຊຽງຂວາງ ພາຣາເກມ” ເກັບ 3 ແຕັມ ຜ່ານເຂົ້າໄປຊີງຫຼຽນຄຳ ເປັນທີມທຳອິດ ຮຽບຮ້ອຍແລ້ວ ຊຶ່ງປັດຈຸບັນ ນະຄອນຫຼວງ ກຳລັງຈະລົງສະໜາມພົບກັບ ເຈົ້າພາບ ແຂວງຊຽງຂວາງ ໃນເວລາ 15:00ໂມງ ສ່ວນຜົນງານຈະເປັນແນວໃດນັ້ນ ຈະຂໍລາຍງານໃຫ້ຊາບຕື່ມອີກ.
ການແຂ່ງຂັນເຕະບານ ຊຽງຂວາງ ພາຣາ ເກມ 2023 ມີທີມເຂົ້າຮ່ວມແຂ່ງຂັນທັງໝົດ 3 ພາກສ່ວນ ກໍຄື ແຂວງຊຽງຂວາງ ເຈົ້າພາບ, ແຂວງວຽງຈັນ ແລະ ນະຄອນຫຼວງ ແຂ່ງຂັນພົບກັນໝົດຄັດເລືອກເອົາທີ 1 ແລະ ທີ 2 ໄປຊີງຊະນະເລີດ ສ່ວນທີມເສຍ ໄດ້ພຽງຫຼຽນທອງ ຂະນະທີ່ ຮອບຄັດເລືອກຈະແຂ່ງຂັນສຳເລັດໃນມື້ນີ້ ແລະ ຮອບຊີງຊະນະເລີດ ໃນວັນທີ 16 ກຸມພາ 2023.
ຂ່າວໂດຍ: ສົງການ ພັນແພງດີ
