ວັນທີ 17 ມັງກອນ 2023 ນີ້, ສະຫາຍ ພົນຕີ ສອນທອງ ພົມລາວົງ ກຳມະການຄະນະປະຈຳພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ ການເມືອງກອງທັບ ພ້ອມຄະນະ ໄດ້ລົງເຄື່ອນໄຫວຢ້ຽມຢາມ ແລະ ອວຍພອນພະນັກງານ-ນັກຮົບ ສູນເສຍອົງຄະພິ ເສດ 790, ສະຫາຍ ພົນຕີ ສາຍໃຈ ກົມມະສິດ ກຳມະການຄະນະປະຈຳພັກ ກະຊວງປ້ອງກັນປະເທດ, ຫົວໜ້າຫ້ອງວ່າການກະຊວງປ້ອງກັນປະເທດ ພ້ອມຄະນະລົງເຄື່ອນໄຫວຢ້ຽມຢາມ ແລະ ອວຍພອນ ພະນັກງານບຳນານ, ບ້ານຈັດສັນ 194 ແລະ ສະຫາຍ ພົນຈັດຕະວາ ວັນທອງ ບຸດຕະວົງ ກຳມະການຄະນະພັກກະຊວງປ້ອງກັນປະເທດ, ຮອງຫົວໜ້າກົມໃຫຍ່ເສນາທິການກອງທັບ ພ້ອມຄະນະ ລົງເຄື່ອນໄຫວຢ້ຽມຢາມ ແລະ ອວຍພອນພະນັກງານສູນເສຍອົງຄະທຽມ ແລະ ຟື້ນຟູສະມັດຕະພາບ 686 ເນື່ອງໃນໂອກາດສະເຫລີມສະຫລອງວັນສ້າງຕັ້ງ ກອງທັບປະຊາຊົນລາວ ຄົບຮອບ 74 ປີ
ການລົງເຄື່ອນໄຫວຢ້ຽມ ຢາມໃນຄັ້ງນີ້, ເປັນການສະແດງເຖິງຄວາມເປັນຫ່ວງເປັນໄຍຂອງການນຳກະຊວງປ້ອງກັນປະເທດ ທີ່ມີຕໍ່ບັນດາສະຫາຍພະນັກງານປະຕິວັດອາວຸໂສ-ບຳນານ, ພະນັກງານເສຍອົງຄະ ແລະ ສະແດງເຖິງຄວາມກະຕັນຍູຮູ້ບຸນຄຸນ ຕໍ່ບັນດາສະຫາຍ ທີ່ໄດ້ປະກອບສ່ວນສະຕິປັນຍາ, ເລືອດເນື້ອເຫື່ອແຮງຂອງຕົນ ເຂົ້າໃນພາລະກິດຕໍ່ສູ້ປົດປ່ອຍປະເທດຊາດໃນເມື່ອກ່ອນ ກໍຄືພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ ໃນປັດຈຸບັນ ແລະ ປະຕິບັດໜ້າທີ່ ການ ເມືອງຂອງກອງທັບຕະຫລອດ ໄລຍະຜ່ານມາ.
ຂ່າວ-ພາບ: ໜັງສືພິມກອງທັບ
