Sunday, April 6, 2025
Homeຂ່າວຕ່າງປະເທດເລຂາທິການໃຫຍ່ຄະນະບໍລິຫານງານສູນກາງພັກຄອມ ມູນິດຫວຽດນາມຢ້ຽມຢາມປະເທດຈີນ

ເລຂາທິການໃຫຍ່ຄະນະບໍລິຫານງານສູນກາງພັກຄອມ ມູນິດຫວຽດນາມຢ້ຽມຢາມປະເທດຈີນ

ຕອບສະໜອງຕາມຄຳເຊີນຂອງ ສະຫາຍ ສີຈິ້ນຜິງ, ເລຂາທິການໃຫຍ່ຄະນະກໍາມະການສູນກາງພັກຄອມມູນິດຈີນ, ປະທານປະເທດຈີນ, ໃນເວລາ 13 ໂມງ 20 ນາທີຂອງວັນທີ 30 ຕຸລານີ້, ສະຫາຍ ຫງວຽນຟູຈອງ ເລຂາທິການໃຫຍ່ຄະນະບໍລິຫານງານສູນກາງພັກຄອມມູນິດຫວຽດ ນາມ, ພ້ອມດ້ວຍຄະນະ ໄດ້ເດີນທາງໄປຢ້ຽມຢາມປະເທດຈີນ ຢ່າງເປັນທາງການ ໂດຍມີ ສະຫາຍ ຫຼີວຈ້ຽນຊ່າວ, ຫົວໜ້າຄະນະພົວພັນຕ່າງປະເທດສູນກາງພັກຄອມມູນິດຈີນ ແລະ ຄະນະ ໃຫ້ການຕ້ອນຮັບທີ່ສະໜາມບິນາກົນຢູ່ນະຄອນຫລວງປັກກິ່ງ.

ການເດີນທາງໄປຢ້ຽມຢາມປະເທດຈີນຂອງ ສະຫາຍ ຫງວຽນຟູຈອງ ໃນຄັ້ງນີ້ ເພື່ອເພີ່ມທະວີການພົວພັນຮ່ວມມືຕ່າງປະເທດ ແລະ ຢືນຢັນທັດສະນະຂອງຫວຽດນາມທີ່ໃຫ້ຄວາມສຳຄັນຕໍ່ການພົວພັນກັບຈີນຢ່າງສະເໝີຕົ້ນສະ ເໝີປາຍ, ຖືຈີນເປັນບຸລິມະສິດທີໜຶ່ງໃນນະໂຍບາຍການຕ່າງປະເທດຂອງຫວຽດນາມ, ຫວັງໃຫ້ການພົວພັນຫວຽດ ນາມ-ຈີນ ພັດທະນາໄປຢ່າງໝັ້ນຄົງ, ຖາວອນ, ມີປະສິດທິຜົນນັບມື້ນັບຫຼາຍຂຶ້ນ ແລະ ຕິດແທດຕົວຈິງ ໂດຍອີງຕາມຈິດໃຈການຮັບຮູ້ຄວາມເປັນເອກະພາບກັນລະຫວ່າງການນຳຂັ້ນສູງຂອງສອງພັກ ກໍຄືສອງປະເທດ.

ການເດີນທາງໄປຢ້ຽມຢາມຈີນຂອງ ສະຫາຍ ຫງວຽນຟູຈອງ, ເລຂາທິການໃຫຍ່ຄະນະບໍລິຫານງານສູນກາງພັກຄອມມູນິດຫວຽດນາມ ໃນຄັ້ງນີ້ ຖືເປັນຜູ້ນໍາຕ່າງປະເທດຄົນທໍາອິດທີ່ໄດ້ຢ້ຽມຢາມຈີນພາຍຫລັງສໍາເລັດກອງປະຊຸມໃຫຍ່ຜູ້ແທນທົ່ວປະເທດ ຄັ້ງທີ XX ຂອງພັກກອມມູນິດຈີນ ທີ່ຈັດຂຶ້ນຢ່າງເປັນທາງການໃນລະຫວ່າງວັນທີ 16-22 ຕຸລາ 2022.

ພາບ: VNA

RELATED ARTICLES

LEAVE A REPLY

Please enter your comment!
Please enter your name here

- Advertisment -
Google search engine

Most Popular

Recent Comments