ອ້າງຕາມ ແຫລ່ງຂ່າວ ຈາກາຕາ ຂອງ ອິນໂດເນເຊຍ ເມື່ອວັນທີ 25 ຕຸລາ, ເຈົ້າໜ້າທີ່ ອິນໂດເນເຊຍ ເປີດເຜີຍ ວ່າ: ເກີດເຫດໄຟໄໝ້ ກຳປັ່ນ ໂດຍສານ ເຄເອັມເອັສເພັສ ຈັນຕີກາ 77 ຊຶ່ງປະກອບມີ ຜູ້ໂດຍສານ ຈຳນວນ 230 ຄົນ ແລະ ທີມງານ ກຳປັ່ນ 10 ຄົນ ຢູ່ ນອກແຄມຝັ່ງ ທາງພາກໃຕ້ຂອງ ອິນໂດເນເຊຍ ເຮັດໃຫ້ມີ ຜູ້ເສຍຊີວິດ 14 ຄົນ ແລະ ຊ່ວຍເຫລືອໄດ້ ປອດໄພ 226 ຄົນ. ເຈົ້າໜ້າທີ່ ກູ້ໄພອິນໂດເນເຊຍ ໃຫ້ຮູ້ວ່າ ກຳປັ່ນລຳນີ້ ໄດ້ເກີດໄຟໄໝ້ ໃນຂະນະທີ່ ເດີນທາງ ອອກຈາກ ເມືອງ ກູປັງ ແຂວງ ນູຊາເຕັງກາຣາ ທາງພາກຕາເວັນອອກ ຂອງປະເທດ ເພື່ອມຸ່ງໜ້າໄປຍັງ ເມືອງ ກາລາບາຮີ ໃນແຂວງດຽວກັນ. ປັດຈຸບັນ, ເຈົ້າໜ໊າທີ່ ພວມເລັ່ງສືບສວນສອບສວນ ຫາສາເຫດຕົ້ນຕໍ ທີ່ເກີດຂຶ້ນ ໃນຄັ້ງນີ້.
