ສຳນັກຂ່າວ ຣອຍເຕີ, ທ່ານ Ismail Sabri Yakob, ນາຍົກລັດຖະມົນຕີ ມາເລເຊຍ ປະກາດຍຸບສະພາ ໃນວັນທີ 10 ຕຸລານີ້ ເພື່ອເປີດທາງ ໃຫ້ມີການເລືອກຕັ້ງໃໝ່ ທີ່ຄາດວ່າຈະຈັດຂຶ້ນ ພາຍໃນ 60 ວັນ ຫລັງຈາກ ການປະກາດ ຍຸບສະພາແລ້ວ ຈາກທີ່ເຄີຍມີ ການກຳນົດ ການເລືອກຕັ້ງໃໝ່ ໃນເດືອນກັນຍາ ປີໜ້າ ຍ້ອນໄດ້ຮັບແຮງກົດດັນທີ່ເພີ່ມຂຶ້ນຈາກສະມາຊິກພັກ ອົງການສະຫະມາເລເຊຍ ແຫ່ງຊາດ (UMNO) ຊຶ່ງເປັນພັກ ທີ່ມີອັດຕາສ່ວນໃຫຍ່ສຸດ ໃນລັດຖະບານ ປະສົມ ແລະ ພັກ ຮ່ວມລັດຖະບານ ທີ່ຕ້ອງການໃຫ້ ຈັດການ ເລືອກຕັ້ງ ຄັ້ງໃໝ່ ກ່ອນໝົດ ອາຍຸການ ເນື່ອງຈາກ ປະເທດ ຜະເຊີນກັບ ບັນຫາ ຄ່າຄອງຊີບ ແພງຂຶ້ນ ແລະ ເສດຖະກິດ ຖົດຖອຍ ທົ່ວໂລກ ລວມທັງ ບັນຫາ ອື່ນໆອີກ.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
