ສຳນັກງານຈັດການໄພພິບັດແຫ່ງຊາດ ປາກິດສະຖານ ແຈ້ງຂໍ້ມູນລະດັບປະເທດ ໃນວັນທີ 15 ກັນຍານີ້ວ່າ:ຍອດຜູ້ເສຍຊີວິດ ຈາກສະຖານະການ ນ້ຳຖ້ວມ ຢູ່ປາກິດສະຖານ ເພີ່ມຂຶ້ນ 1.486 ຄົນ ເປັນເດັກ 530 ຄົນ ສ້າງຄວາມເດືອດຮ້ອນ ໃຫ້ແກ່ ປະຊາຊົນ 33 ລ້ານຄົນ ຈາກທັງໝົດ 220 ລ້ານຄົນ ສ້າງຄວາມເສຍຫາຍ ຢ່າງໜັກເຖິງ 30 ຕື້ໂດລາສະຫະລັດ ແລະ ລະບົບ ພື້ນຖານໂຄງລ່າງໄດ້ຮັບຄວາມເສຍຫາຍຫລາຍທີ່ສຸດ ໃນປະຫວັດສາດ.
ປັດຈຸບັນ ຍັງຜະເຊີນກັບພະຍາດໄຂ້ເລືອດອອກແຜ່ລະບາດຢ່າງໜັກ ໂດຍມີຜູ້ຕິດເຊື້ອ ປະມານ 152 ຄົນ ຢູ່ໃນລະຫວ່າງ ການປິ່ນປົວ ຕາມໂຮງໝໍແຫ່ງ ຕ່າງໆໃນເມືອງ ແລະ ຕົວເລກ ຜູ້ຕິດເຊື້ອ ພະຍາດ ໄຂ້ເລືອດອອກ ຈະເພີ່ມຂຶ້ນ 668 ຄົນ ແລະ ມີລາຍງານ ຜູ້ເສຍຊີວິດແລ້ວ 3 ຄົນ.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
