ເຊວຊີ ຕົກເປັນຂ່າວວ່າສົນໃຈຄວ້າໂຕ ແຮຣີ ມັດກວັຍ ກອງຫຼັງຫົວໜ້າທີມຂອງ ແມນເຊສເຕີ ຢູໄນເຕັດ ໂດຍອາດຈະສົ່ງ 1 ນັກເຕະດັງຂອງທີມຍ້າຍສວນທາງ.
ເມື່ອວັນທີ 20 ສິງຫາ 2022 ທີ່ຜ່ານມາ ເດລີ ເມລ ສື່ຊື່ດັງຂອງອັງກິດ ຕີແຜ່ຂ່າວ ເຊວຊີ ສະໂມສອນຍິ່ງໃຫຍ່ແຫ່ງເວທີ ພຣີເມຍລີກ ອັງກິດ ມີຄວາມສົນໃຈຄວ້າຕົວ ແຮຣີ ແມັກກວັຍ ກອງຫຼັງຫົວໜ້າທີມ ແມນເຊັສເຕີ ຢູໄນເຕັດ ມາສູ່ຖິ່ນ ສະແຕມຟອດ ບຣິດ ໃນໄລຍະລະດູຮ້ອນນີ້.
ເປັນທີ່ເຂົ້າໃຈກັນວ່າ ເຊວຊີ ເສຍກອງຫຼັງຕົວຫຼັກໄປ 2 ຄົນໃນໄລຍະລະດູຮ້ອນນີ້ ນັ້ນກໍຄື ອັນໂຕນິໂອ ຣູດີເກີ ທີ່ຍ້າຍໄປຢູ່ກັບ ຣີວ ມາດຣິດ ແລະ ອັນເດຣສ ຄຣິສເຕນເຊນ ທີ່ຍ້າຍໄປຢູ່ກັບ ບາເຊໂລນາ ແລະ ໄດ້ຊື້ນັກເຕະໃໝ່ມາແທນຄົນໜຶ່ງ ໄດ້ແກ່ ຄາລິດູ ຄູລິບາລີ ຈາກ ນາໂປລີ ຢ່າງໃດກໍຕາມ ໂທມັສ ທູເຄິລ ຍັງຕ້ອງການກອງຫຼັງເພີ່ມອີກຄົນໜຶ່ງ ກ່ອນທີ່ຕະຫຼາດຊື້ຂາຍນັກເຕະຈະປິດລົງ ແລະ ຕາມການລາຍງານຫຼ້າສຸດ ລະບຸວ່າ ເຊວຊີ ໄດ້ທາບທາມໄປຫາ ແມນເຊັສເຕີ ຢູໄນເຕັດ ກ່ຽວກັບຄວາມເປັນໄປໄດ້ໃນການດຶງ ແຮຣີ່ ແມັກກວັຍ ມາຮ່ວມທີມ ເນື່ອງຈາກເຫັນວ່າການດຶງເປົ້າໝາຍຫຼັກ ຢ່າງ ເວສລີ ໂຟຟານາ ຂອງເລສເຕີ ຊິຕີ ນັ້ນ ເປັນເລື່ອງຍາກ.
ທັງນີ້ ມີຄວາມເປັນໄປໄດ້ທີ່ ເຊວຊີ ຈະສົ່ງ ຄຣິສຕຽນ ພູລິຊິສ ກອງກາງທີມຊາດສະຫະລັດອາເມຣິກາ ໄປ ໃຫ້ກັບ ແມນເຊສເຕີ ຢູໄນເຕັດ ເປັນການຍ້າຍແບບສວນທາງກັບ ແມັກກວັຍ ເນື່ອງຈາກເຫັນວ່າ ແມນເຊສເຕີ ຢູໄນເຕັດ ນັ້ນກໍາລັງໃຫ້ຄວາມສົນໃຈ ພູລິຊິສ ຢູ່ພໍດີ..
