ຂ່າວຕ່າງປະເທດລາຍງານ ເມື່ອວັນທີ 15 ສິງຫາທີ່ຜ່ານມານີ້, ທາງການຍີ່ປຸ່ນເປີດເຜີຍວ່າ ເສດຖະກິດຍີ່ປຸ່ນຟື້ນຕົວແລ້ວ ເຖິງແມ່ນວ່າອັດຕາການຟື້ນຕົວຈະຕ່ຳກວ່າທີ່ເຄີຍຄາດຄະເນໄວ້ໃນໄຕມາດທີ 2 ຈາກການແຜ່ລະບາດຮອບໃໝ່ຂອງພະຍາດໂຄວິດ-19 ຂະນະທີ່ການສົ່ງອອກຫຼຸດລົງ ແຕ່ຄວາມຕ້ອງການພາຍໃນປະເທດຍັງຄົງຂະຫຍາຍຕົວ.
ທ່ານ ອາສຸຊິ ທາເຄດະ ຫົວໜ້ານັກເສດຖະສາດຂອງອິໂຕຊູ ອີໂຄໂນມິກ ຣີເສີສ ໄດ້ສະແດງຄວາມຄິດເຫັນວ່າ ການບໍລິໂພກຈະຍັງຄົງຂັບເຄື່ອນການຂະຫຍາຍຕົວໃນໄລຍະເດືອນກໍລະກົດເຖິງເດືອນກັນຍາ ແຕ່ແຮງຂັບເຄື່ອນອາດຈະຍັງບໍ່ແຂງແຮງພຽງພໍ ເນື່ອງຈາກອັດຕາເງິນເຟີ້ທີ່ເພີີ່ມສູງຂຶ້ນເຮັດໃຫ້ກະທົບການໃຊ້ຈ່າຍພາກຄົວເຮືອນໃນຂະນະທີ່ການສົ່ງອອກຫຼຸດລົງ ແຕ່ຄວາມຕ້ອງການພາຍໃນປະເທດຍັງຄົງຂະຫຍາຍຕົວເຮັດໃຫ້ຍີ່ປຸ່ນຟື້ນຕົວໄດ້.
ໂດຍອີງຕາມຂໍ້ມູນຂອງລັດຖະບານຍີ່ປຸ່ນເປີດເຜີຍວ່າ ເສດຖະກິດຍີ່ປຸ່ນຂະຫຍາຍຕົວ 2,2% ຕໍ່ປີໃນເດືອນເມສາເຖິງເດືອນມິຖຸນາ ຖືວ່າເປັນການເພີ່ມຂຶ້ນເປັນໄຕມາດທີ 3 ຕິດຕໍ່ກັນ ແຕ່ຍັງບໍ່ເຖິງເກນຕາມທີ່ຕະຫຼາດຄາດຄະເນໄວ້ວ່າຈະຂະຫຍາຍຕົວ 2,5%.
#Medialaos MMD (ແຫູ່ງຂໍ້ມູນຈາກ: ໜັງສືພິມ ປະຊາຊົນ)
