ສຳນັກຂ່າວBhaktar,ເມື່ອບໍ່ດົນມານີ້ ເກີດຝົນຕົກໜັກ ເຮັດໃຫ້ເກີດ ນ້ຳຖ້ວມ ກະທັນຫັນ ມີຜູ້ເສຍຊີວິດ 31ຄົນ, ບາດເຈັບອີກ 17ຄົນ ແລະ ສູນຫາຍ ຫລາຍກວ່າ 100ຄົນ ທາງພາກເໜືອ ຂອງອາຟະການິດສະຖານ.ຂະນະນີ້ ເຈົ້າໜ້າທີ່ກູ້ໄພ ພວມເລັ່ງ ໃຫ້ການຊ່ວຍເຫລືອ ຜູ້ເຄາະຮ້າຍ ໃນຄັ້ງນີ້ ຢ່າງຮີບດ່ວນ.
ຂະນະທີ່ ສຳນັກງານ ອຸຕຸນິຍົມ ວິທະຍາ ທ້ອງຖິ່ນ ຄາດວ່າ ຈະມີຝົນຕົກອີກ ຫລາຍວັນ ໃນຫລາຍແຂວງ ຈາກທັງໝົດ 34ແຂວງ ທົ່ວປະເທດ.ສຳລັບ ໃນເດືອນມິຖຸນາ ແລະ ເດືອນກໍລະກົດ ຜ່ານມາ ອາຟະການິດສະຖານ ມີຜູ້ເສຍຊີວິດ ເພາະຝົນຕົກໜັກ ແລະ ນ້ຳຖ້ວມ ກະທັນຫັນ 19ຄົນ ແລະ 40ຄົນ ຕາມລຳດັບ.
#Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)
