ສຳນັກຂ່າວ KCNA, ຣັດເຊຍ-ສປປ.ເກົາຫລີ ຍົກລະດັບ ຄວາມສຳພັນ ການຮ່ວມມື ແບບທະວິພາຄີພາຍຫລັງ ທ່ານ ວາລາ ດີເມຍ ປູຕິນ(Vladimir Putin) ປະທານາທິບໍດີ ຣັດເຊຍ ໄດ້ສົ່ງຈົດໝາຍ ອວຍພອນເຖິງ ທ່ານ ກິມເຈີງອຸນ (Kim Jong-un) ຜູ້ນຳສປປ ເກົາຫລີ ເນື່ອງໃນໂອກາດ ສະເຫລີມ ສະຫລອງ ວັນເອກະລາດ ຂອງ ສປປ.ເກົາຫລີ ກົງກັບ ວັນທີ 15 ເດືອນສິງຫາ ຂອງທຸກໆປີ.ສຳລັບ ເນື້ອໃນ ຂອງພາກສ່ວນໜຶ່ງ ຂອງຈົດໝາຍ ຊົມເຊີຍ ໄດ້ກ່າວ ກ່ຽວກັບ “ຄວາມສຳຄັນ” ຂອງການເພີ່ມທະວີ ການພົວພັນ ແລະ ການຮ່ວມມື ສອງຝ່າຍ ໃນທຸກຂົງເຂດ ເພື່ອຜົນປະໂຫຍດ ຮ່ວມກັນ ລະຫວ່າງ ສອງຝ່າຍ ສິ່ງດັ່ງກ່າວ ຈະນຳໄປສູ່ ການເພີ່ມທະວີ ຄວາມໝັ້ນຄົງ ແລະ ສະຖຽນ ລະພາບ ຢູ່ແຫລມ ເກົາຫລີ. ພ້ອມກັນນັ້ນ, ຜູ້ນຳສູງສຸດ ຂອງສປປ ເກົາຫລີ ຍັງມີຈົດໝາຍ ຕອບກັບ ຜູ້ນຳຣັດເຊຍ. ມັນເປັນສິ່ງ ສໍາຄັນທີ່ ການພົວພັນ ການຮ່ວມມື ລະຫວ່າງ ລັດຖະບານ ທັງສອງປະເທດ ຣັດເຊຍ ແລະ ສປປ ເກົາຫລີ ໃຫ້ແໜ້ນແຟ້ນ ຍິ່ງຂຶ້ນ ໃນຕໍ່ໜ້າ.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
