ຕາມຂ່າວຈາກ ຊິນຮວາ, ສຳນັກງານ ເຕັກໂນໂລຊີ ຂໍ້ມູນ ຂ່າວສານ ແລະ ການສື່ສານ ສີລັງກາ (ICTA) ໄດ້ປະກາດເລື່ອນເວລາ ການເປີດຕົວ ລະບົບ QR code ນໍ້າມັນເຊື້ອໄຟແຫ່ງຊາດ. ຫລັງຈາກທີ່ມີການປະກາດວ່າ: ປ້ຳນ້ຳມັນ ໃນທົ່ວປະເທດ ຈະເລີ່ມສະໜອງນ້ຳມັນເຊື້ອໄຟດ້ວຍລະບົບດັ່ງກ່າວ ແຕ່ວັນທີ 25 ກໍລະກົດປີນີ້ ເປັນຕົ້ນໄປ. ຂະນະນີ້ ການຈ່າຍນ້ຳມັນດ້ວຍລະບົບດັ່ງກ່າວຈະຖືກໃຊ້ທີ່ສະຖານີບໍລິການນ້ຳມັນບາງແຫ່ງ ໃນນະຄອນຫລວງໂກລົມໂບ ແລະ 25 ເຂດເທົ່ານັ້ນ ເພື່ອກ້າວໄປສູ່ການຂະຫຍາຍໃນຂອບເຂດທົ່ວປະເທດໃນຕໍ່ໜ້າ.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
