ກອງປະຊຸມສະຫລຸບວຽກງານປ້ອງກັນພາຍໃນ ປະຈຳປີ 2022 ຂອງຄະນະ ປ້ອງກັນພາຍໃນ ສະຖາບັນວິທະນາສາດເສດຖະກິດ ແລະ ສັງຄົມ ແຫ່ງຊາດ ໄດ້ຈັດຂຶ້ນໃນ ວັນທີ 2 ພະຈິກ 2022 ໂດຍການເຂົ້າຮ່ວມເປັນປະທານຂອງ ທ່ານ ປອ ກິແກ້ວ ຈັນທະບຸຣີ ຮອງປະທານສະຖາບັນວິທະຍາສາດເສດຖະກິດ ແລະ ສັງຄົມ ແຫ່ງຊາດ, ຜູ້ຊີ້ນຳວຽກງານ ປ້ອງກັນພາຍໃນ, ທ່ານ ພັອ ສຸວັນ ທອງຈະເລີນ ຫົວໜ້າກົມ 200 ກົມໃຫຍ່ສັນຕິບານ ກະ ຊວງປ້ອງກັນຄວາມສະຫງົບ, ມີບັນດາຫົວໜ້າ-ຮອງຫົວກົມ, ຫ້ອງການ, ສະຖາບັນຄົ້ນຄວ້າ, ສູນ ແລະ ຜູ້ຕາງໜ້າ 3 ອົງການຈັດຕັ້ງມະຫາຊົນ ເຂົ້າຮ່ວມ.
ທ່ານ ປອ ຄຳແພງ ທິບມຸນຕາລີ ຫົວໜ້າສະຖາບັນຄົ້ນຄ້ວາສັງຄົມສາດ ຫົວໜ້າຄະ ນະປ້ອງກັນພາຍໃນ ສະຖາບັນວິທະຍາສາດເສດຖະກິດ ແລະ ສັງຄົມ ແຫ່ງຊາດ ໃຫ້ຮູ້ວ່າ: ໃນໄລຍະຜ່ານມາ ຄະນະພັກ-ຄະນະນຳ ສະຖາບັນວິທະຍາສາດເສດຖະກິດ ແລະ ສັງຄົມ ແຫ່ງຊາດ ໄດ້ຖືເອົາວຽກງານປ້ອງກັນພາຍໃນ ເປັນວຽກງານທີ່ສຳຄັນ ເພື່ອຮັບປະກັນການປະ ຕິບັດວຽກງານປ້ອງກັນ ໃຫ້ມີປະສິດທິຜົນສູງຂຶ້ນ, ສາມາດເກັບກໍາສະພາບຕ່າງໆ ທີ່ເກີດຂຶ້ນ ຢູ່ພາຍໃນ ໄດ້ຢ່າງຄົບຖ້ວນ ແລະ ສາມາດເກັບກໍາໄດ້ ສະພາບແນວຄິດຂອງສະມາຊິກພັກ, ພະນັກງານ-ລັດຖະກອນໄດ້ດີ, ມີການຕິດຕາມ, ເກັບກຳ ແລະ ຕີລາຄາສະພາບການຕ່າງໆ ເຮັດໃຫ້ສະມາຊິກພັກ, ພະນັກງານ-ລັດຖະກອນ ຮັບຮູ້ບົດບາດຂອງວຽກງານປ້ອງກັນຫລາຍ ຂຶ້ນ, ຄະນະປ້ອງກັນ ມີຄວາມຕັ້ງໜ້າເຮັດວຽກດ້ວຍຈິດໃຈມານະອົດທົນ, ເສຍສະຫລະສ່ວນ ຕົວ ເພື່ອສ່ວນລວມ ສາມາດຮັບປະກັນໃນໜ້າວຽກງານຂອງຕົນໄດ້ເປັນຢ່າງດີ. ພ້ອມນັ້ນ, ຍັງໄດ້ປະສານສົມທົບກັບກົມ 200 ກົມໃຫຍ່ສັນຕິບານ ກະຊວງປ້ອງກັນຄວາມສະຫງົບ ທີ່ປະ ຈຳການຢູ່ສະຖາບັນວິທະຍາສາດເສດຖະກິດ ແລະ ສັງຄົມ ແຫ່ງຊາດ ເປັນປະຈຳ, ທັງມີ ການແລກປ່ຽນສະພາບ ເຊິ່ງກັນ ແລະ ກັນ ເພື່ອແກ້ໄຂບັນຫາຕ່າງໆຢ່າງທັນການ ເຮັດໃຫ້ ພາຍໃນ ສະຖາບັນວິທະຍາສາດເສດຖະກິດ ແລະ ສັງຄົມ ແຫ່ງຊາດ ມີຄວາມສະຫງົບ ແລະ ເປັນລະບຽບຮຽບຮ້ອຍດີ.
ກອງປະຊຸມ ຍັງໄດ້ເຜີຍແຜ່ເຊື່ອມຊຶມວຽກງານປ້ອງກັນພາຍໃນ ຂອງສະຖາບັນວິທະ ຍາສາດເສດຖະກິດ ແລະ ສັງຄົມ ແຫ່ງຊາດ ຄັ້ງທີ I ໃຫ້ແກ່ພະນັກງານການນຳ, ພະນັກ ງານຫລັກແຫລ່ງ ພາຍໃນສະຖາບັນ ເພື່ອຍົກສູງວຽກງານ ກໍ່ສ້າງພັກ-ພະນັກງານ ໃຫ້ມີ ຄວາມເຂັ້ມແຂງ, ເປັນແບບຢ່າງນຳໜ້າ, ນຳພາມະຫາຊົນ, ທັງເປັນການສະກັດກັ້ນ ປະກົດ ການຫຍໍ້ທໍ້ພາຍໃນຖັນແຖວ ສະມາຊິກພັກ-ພະນັກງານ ເຮັດໃຫ້ວຽກງານປ້ອງກັນພາຍໃນ ໄດ້ ຮັບການຈັດຕັ້ງປະຕິບັດຢ່າງເຂັ້ມແຂງ.
ຈາກນັ້ນ, ໃນກອງປະຊຸມ ໄດ້ມີການມອບໃບຍ້ອງຍໍໃຫ້ຜູ້ມີຜົນງານດີເດັ່ນ ໃນການ ເຄື່ອນ ໄຫວວຽກງານປ້ອງກັນພາຍໃນ ຈຳນວນ 9 ສະຫາຍ ໂດຍການມອບຂອງທ່ານ ປອ ກິແກ້ວ ຈັນທະບຸຣີ ຮອງປະທານສະຖາບັນວິທະຍາສາດເສດຖະກິດ ແລະ ສັງຄົມ ແຫ່ງຊາດ, ຜູ້ຊີ້ນຳວຽກງານປ້ອງກັນພາຍໃນ.
ຂ່າວ: ສຸກສະຫວັດ
ຂໍ້ມູນ: ມະໄລຄຳ
