ວິທະຍຸກະຈາຍສຽງຫວຽດນາມລາຍງານວ່າ: ຕາມຕົວເລກສະຖິຕິຈາກກົມໃຫຍ່ພາສີ ຫວຽດນາມ, 8 ເດືອນຜ່ານມາ, ວົງເງິນການຄ້າສົ່ງອອກຜະລິດຕະພັນຕ່ຳແຜ່ນຕັດຫຍິບຂອງ ຫວຽດນາມ ບັນລຸຫຼາຍກວ່າ 26 ຕື້ໂດລາ, ເພີ່ມຂຶ້ນ 24% ເມື່ອທຽບໃສ່ໄລຍະດຽວກັນຂອງປີກາຍ. ໃນນັ້ນ, ສະເພາະເດືອນສິງຫາ 2022 ເປັນຄັ້ງທຳອິດທີ່ການສົ່ງອອກຜະລິດຕະພັນຕ່ຳແຜ່ນຕັດຫຍິບບັນລຸລະດັບ 4 ຕື້ໂດລາ. ກ່ອນໜ້ານັ້ນ, 6 ເດືອນລຽນຕິດທີ່ ຫວຽດນາມ ບັນລຸວົງເງິນສົ່ງອອກຜະລິດຕະພັນຕໍາແຜ່ນຕັດຫຍິບຫຼາຍກວ່າ 3 ຕື້ໂດລາ. ໄລ່ຮອດເດືອນສິງຫາ, ການສົ່ງອອກຜະລິດຕະພັນຕ່ຳແຜ່ນຕັດຫຍິບແມ່ນໝວດຜະ ລິດຕະພັນທີ່ປະກອບສ່ວນໃຫຍ່ອັນດັບທີ 2 ເຂົ້າໃນຍອດມູນຄ່າສົ່ງອອກຂອງທັງປະເທດ, ຖັດຈາກໝວດຜະລິດຕະພັນອຸປະກອນເຄື່ອງຈັກ, ສິ້ນສ່ວນ, ອາໄຫຼ່.
8 ເດືອນຜ່ານມາ, ບາງຕະຫຼາດຫຼັກແຫຼ່ງໃນຂົງເຂດຕຳແຜ່ນຕັດຫຍິບຂອງ ຫວຽດນາມ ລ້ວນແຕ່ເພີ່ມຂຶ້ນ 20% ເມື່ອທຽບໃສ່ໄລຍະດຽວກັນຂອງປີກາຍ, ໃນນັ້ນ ມູນຄ່າການສົ່ງອອກໄປ ອາເມຣິກາ ບັນ ລຸ 12,88 ຕື້ໂດລາ, ເພີ່ມຂຶ້ນ 22,6%; ສົ່ງອອກໄປ ອີຢູ ບັນລຸ 3 ຕື້ໂດລາ, ເພີ່ມຂຶ້ນ 41%; ມູນຄ່າການສົ່ງອອກໄປ ຍີ່ປຸ່ນ ບັນລຸ 2,54 ຕື້ໂດລາ, ເພີ່ມຂຶ້ນ 22%.
Medialaos MMD (ແຫຼ່ງຂໍ້ມູນຈາກ: ໜັງສືພິມ ປະຊາຊົນ)
