The Sun ລາຍງານວ່າ ແມນເຊສເຕີ ຢູໄນເຕັດ ກຽມງົບປະມານ 70 ລ້ານປອນເສີມທັບໄລຍະລະດູໜາວ ເຊິ່ງອາດຈະເພີ່ມຂຶ້ນເປັນຫຼາຍກ່ວາ 100 ລ້ານປອນ ຫາກວ່າ ຄຣິສເຕຍໂນ ໂຣນັນໂດ ຍ້າຍທີມ.
ນັບຕັ້ງແຕ່ຍ້າຍສູ່ຖິ່ນ ໂອລ ແທຣບຟອດ ເມື່ອລະດູຮ້ອນທີ່ຜ່ານມາ ເອຣິກ ເທນ ຮາກ ດຶງນັກເຕະມາເສີມທັບແລ້ວ 6 ຄົນ ເຊິ່ງໃຊ້ເງິນໄປຫຼາຍກວ່າ 200 ລ້ານປອນ. ນັກເຕະໃໝ່ຢ່າງ ລິຊານໂດ ມາຕີເນຊ, ໄລເຣວ ມາລາເຊຍ, ຄຣິສຕຽນ ອີຣິກເຊ່ນ ແລະ ແອນໂທນີ່ ຕ່າງກໍຢຶດຕົວຈິງໄດ້ຮຽບຮ້ອຍແລ້ວ ເຊິ່ງຊ່ວຍໃຫ້ນັກເຕະເດີມມີຟອມການຫຼິ້ນທີ່ດີຂຶ້ນດ້ວຍ. ເຖິງແມ່ນໃນປັດຈຸບັນ ແມນຢູ ຍັງບໍ່ໄດ້ມີຕໍາແໜ່ງທີ່ຂາດແຄນ ແຕ່ອະນາຄົດຂອງ ໂຣນັນໂດ ກໍຍັງໄຮ້ຄວາມຊັດເຈນ.
ໂຣນັນໂດ ໄດ້ລົງເປັນຕົວຈິງໃນເກມພຣີເມຍລີກພຽງນັດດຽວເທົ່ານັ້ນ ເຊິ່ງຄາດກັນວ່າເຂົາຈະຕົກເປັນຂ່າວເລື່ອງການຍ້າຍທີມອີກຄັ້ງໃນລະດູໜາວ ກ່ອນທີ່ສັນຍາຈະໝົດອາຍຸຫຼັງຈາກຈົບລະດູການແຫຼ່ງຂ່າວດັງລາຍງານວ່າ ແມນເຊສເຕີ ຢູໄນເຕັດ ກຽມມອບງົບເສີມທັບໃຫ້ ເທນ ຮາກ ປະມານ 70 ລ້ານປອນໃນໄລຍະລະດູໜາວ ຫຼັງຈາກຄູຝຶກຊາວໂຮນລັງສ້າງທີມໄດີດີ ມີອະນາຄົດ.
ບົດລາຍງານຍັງກ່າວວ່າ ຕົວເລກດັ່ງກ່າວ ອາດຈະເພີ່ມຂຶ້ນເປັນຫຼາຍກວ່າ 100 ລ້ານປອນ ຫາກ ໂຣນັນໂດ ຍ້າຍທີມໃນເດືອນມັງກອນ. ທັງນີ້ ເຊື່ອກັນວ່າ ເທນ ຮາກ ຍັງຕ້ອງການເສີມທັບອີກ 3 ຕໍາແໜ່ງເພື່ອກັບໄປແຂ່ງຂັນກັບທີມຊັ້ນແນວໜ້າອີກຄັ້ງ ໂດຍພວກເຂົາຈະສົ່ງນັກສັງເກດການໄປຮ່ວມຊົມເຕະບານໂລກ ເພື່ອຊອກຫານັກເຕະໃໝ່ ລວມເຖິງຕິດຕາມຟອມນັກເຕະຂອງພວກເຂົາດ້ວຍ.
