ບັນດານັກຊ່ຽວຊານກ່າວວ່າ: ງານວາງສະແດງສິນຄ້າຈີນ-ອາຊຽນຄັ້ງທີ 19 ແລະ ກອງປະຊຸມສຸດຍອດການຄ້າການລົງທຶນຈີນ-ອາຊຽນຄັ້ງທີ 19 ຈັດຂຶ້ນຢູ່ນະຄອນໜານນີງເຂດປົກຄອງຕົນເອງເຜົ່າຈ້ວງກວາງຊີຂອງຈີນໃນລະ ຫວ່າງວັນທີ 16-19 ກັນຍາ 2022 ຈະຊ່ວຍຍົກລະດັບການຮ່ວມມືລະຫວ່າງຈີນ ແລະ ປະເທດໃນອາຊີຕາເວັນອອກສ່ຽງໃຕ້ ຫລື ອາຊຽນ ໃຫ້ເລິກເຊີ່ງກວ່າເກົ່າ, ພ້ອມນີ້ ຈະສ້າງໂອກາດໃໝ່ໃນການຟື້ນຟູດ້ານເສດຖະກິດໃນເຂດພາກພື້ນໃຫ້ເຕີບໃຫຍ່ຂະຫຍາຍຕົວຍິ່ງຂຶ້ນ.
ງານວາງສະແດງສິນຄ້າດັ່ງກ່າວຈັດຂຶ້ນເປັນເວລາ 4 ວັນ ພາຍໃຕ້ “ຊົມໃຊ້ໂອກາດໃໝ່ຈາກ RCEP ຮ່ວມກັນ, ຊ່ວຍຊຸກຍູ້ການສ້າງເຂດການຄ້າເສລີຈີນ-ອາຊຽນລະດັບ 3.0” ເຊີ່ງເປັນປີທໍາອິດຂອງການເລີ່ມຈັດຕັ້ງປະຕິບັດການຄ້າເສລີໃນສັນຍາການຮ່ວມມືເສດຖະກິດແບບຮອບດ້ານລະດັບພາກພື້ນ RCEP.
ທ່ານ ນາງ Lim Ban Hong ຮອງ ລັດຖະມົນຕີກະຊວງການຄ້າ ແລະ ອຸດສາຫະກໍາສາກົນມາເລເຊຍ ກ່າວ ວ່າ RCEP ຈະສ້າງຂອບການເຮັດວຽກທີ່ເປັນໄປຕາມກົດເກນສໍາລັບການຄ້າ ແລະ ການລົງທຶນທີ່ໂປ່ງໃສ ແລະ ສະເພາະເຈາະຈົງຫລາຍຂຶ້ນ. RCEP ຈະເປັນການສົ່ງເສີມການຄ້າ ແລະ ເສີມຂະຫຍາຍການເຊື່ອມໂຍງໃນພາກພື້ນໂດຍກົງ. ນອກນັ້ນ ຍັງຈະເປີດໂອກາດໃຫ້ຜູ້ສົ່ງອອກສາມາດຂະຫຍາຍ ແລະ ກະຈາຍການເຂົ້າເຖີງສິນຄ້າ ແລະ ການບໍລິການຂອງຕົນໄປສູ່ຕະຫຼາດໄດ້ຫຼາຍຂຶ້ນ.
ທ່ານ Mohd Mustafa Abdul Aziz ຫົວຫນ້າບໍລິ ຫານຂອງບໍລິສັດພັດທະນາການຄ້າຕ່າງປະເທດຂອງມາເລເຊຍ ກ່າວໃນກອງປະຊຸມສໍາມະນາທີ່ຈັດຂຶ້ນໃນໂອກາດງານວາງສະແດງຄັ້ງນີ້ວ່າ: ເຖິງວ່າມີການລະບາດຂອງ COVID-19 ແຕ່ບັນດາບໍລິສັດຕ່າງໆ ຈາກມາເລເຊັຍ, ໃນນັ້ນ ລວມທັງບໍລິສັດດ້ານອາຫານ, ສຸຂະພາບ ແລະ ການບໍລິການເຂົ້າຮ່ວມງານວາງສະແດງໃນປີນີ້ ແລະ ຫວັງວ່າຈະໄດ້ຮ່ວມມືທາງທຸລະກິດທີ່ເຂັ້ມແຂງ ແລະ ຍືນຍົງກັບບໍລິສັດຈີນ.
ການຄ້າໃນບັນດາປະເທດ RCEP ໄດ້ເຕີບໂຕວ່ອງໄວ. ອີງຕາມການລາຍງານຂອງກົມສ່ວຍສາອາກອນຈີນ ໃຫ້ຮູ້ວ່າ: ການນໍາເຂົ້າ ແລະ ສົ່ງອອກຂອງຈີນກັບອາຊຽນ ເພີ່ມຂຶ້ນ 14%ຕໍ່ປີ ໃນແປດເດືອນທໍາອິດຂອງປີນີ້. ໃນໄລ ຍະດຽວກັນ, ການນໍາເຂົ້າ ແລະ ສົ່ງອອກຂອງຈີນກັບອີກ 14 ປະ ເທດ RCEP ເພີ່ມຂຶ້ນ 7.5 %ຕໍ່ປີ.
ສໍາລັບງານວາງສະແດງສິນຄ້າຈີນ-ອາຊຽນ ຄັ້ງທີ 19 ໄດ້ດຶງດູດເອົາວິສາຫະກິດຫຼາຍກວ່າ 2.000 ຄົນ ເຂົ້າຮ່ວມທາງອ໊ອຟລາຍ ແລະ ຫລາຍກວ່າ 1.650 ແຫ່ງເຂົ້າຮ່ວມງານຜ່ານລະບົບອອນລາຍ.
Source: https://english.news.cn/…/5d3676156de9435fae500c…/c.html
