ໃນຕອນບ່າຍວັນທີ 14 ກັນຍາ 2022 ນີ້, ສົມເດັດ ອັກຄະ ມະຫາ ໂປເຢຍ ຈັກກຣີ ເຮັງຊໍາຣິນ ປະທານສະພາແຫ່ງຊາດ ແຫ່ງ ຣາຊະອານາຈັກກໍາປູເຈຍ ພ້ອມດ້ວຍ ຄະນະຜູ້ແທນຂັ້ນສູງ ກໍາປູເຈຍ ໄດ້ເຂົ້າວາງພວງມາລາ ຢູ່ອະນຸສາວະລີນັກຮົບນິລະນາມ(ດາວເເດງ) ຮ່ວມກັບ ທ່ານ ຄໍາໃບ ດໍາລັດ ຮອງປະ ທານສະພາແຫ່ງຊາດ ໃນໂອກາດເດີນທາງມາຢ້ຽມ ແລະ ເຮັດວຽກ ຢູ່ ສປປ ລາວ ຢ່າງເປັນທາງການ ແຕ່ວັນທີ 14-16 ກັນຍາ 2022.
ການເຂົ້າວາງພວງມາລາໃນຄັ້ງນີ້, ເພື່ອສະເເດງຄວາມໄວ້ອາໄລ, ກະຕັນຮູ້ບຸນ ຄຸນ ເເລະ ຈົງຮັກພັກດີຕໍ່ວິລະຊົນເເຫ່ງຊາດ, ນັກຮົບເເຂ່ງຂັນ, ນາຍ ເເລະ ພົນທະ ຫານ ເເລະ ປະຊາຊົນລາວບັນດາເຜົ່າ ທີ່ເສຍສະລະເລືອດເນື້ອ ເເລະ ຊີວິດຕໍ່ພາລະ ກິດຕໍ່ສູ້ກູ້ຊາດ ຍາດເອົາເອກະລາດຈາກພວກຈັກກະພັດຜູ້ຮຸກຮານ ຈົນສາມາດສະຖາປະ ນາ ເປັນປະເທດ ສາທາລະນະລັດ ປະຊາທິປະໄຕ ປະຊາຊົນລາວ ໃນວັນທີ 2 ທັນວາ 1975.
Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)
