ວິທະຍຸກະຈາຍສຽງຫວຽດນາມລາຍງານວ່າ: ວັນທີ 12 ກັນຍາ ຜ່ານມາ, ທ່ານ ຊາບາ ໂຄໂຣຊີ ປະທານສະມັດຊາໃຫຍ່ ສປຊ ຊຸດທີ 77 ຄົນໃໝ່ ໄດ້ເຂົ້າພິທີສາບານຕົວຮັບດຳລົງຕຳແໜ່ງ. ກ່າວຄຳເຫັນທີ່ພິທີສາບານຕົວ, ທ່ານ ຊາບາ ໂຄໂຣຊີ ຢັ້ງຢືນວ່າ: ທຸກອົງການຂອງ ສປຊ, ໃນນັ້ນມີ ສະມັດຊາໃຫຍ່, ຕ້ອງສືບຕໍ່ປັບປຸງ ແລະ ປ່ຽນແປງ ເພື່ອເພີ່ມທະວີການຮ່ວມມືທີ່ມີປະສິດທິຜົນເພີ່ມຂຶ້ນກວ່າເກົ່າອີກ. ທ່ານໃຫ້ຮູ້ວ່າ: ຈະເດີນຕາມໂຄງການດໍາເນີນງານຕິດພັນກັບ 3 ເສົາຄ້ຳຫຼັກຂອງ ສປຊ ແມ່ນ: ຮັກສາສັນຕິພາບ, ຄວາມໝັ້ນຄົງ, ປັບປຸງສິດທິມະນຸດ ແລະ ມຸ່ງໄປເຖິງການພັດທະນາແບບຍືນຍົງ.
ຂ່າວລະບຸວ່າ: ທ່ານ ຊາບາ ໂຄໂຣຊີ ໄດ້ວາງອອກບັນດາເປົ້າໝາຍບຸລິມະສິດໃນອາຍຸການລວມມີ: ຮັກສາຫຼັກການພື້ນຖານຂອງກົດບັດ ສປຊ, ບັນລຸໄດ້ບັນດາຄວາມກ້າວໜ້າພໍສົມຄວນ ແລະ ອາດຈະກຳນົດຈຳນວນ ໃນຂັ້ນຕອນຫັນປ່ຽນໄປຍັງການພັດທະນາແບບຍືນຍົງ, ມຸ່ງໄປເຖິງບັນດາມາດຕະການລະ ບົບສະສົມ, ຍົກສູງບົດບາດຂອງວິທະຍາສາດໃນການຕັດສິນໃຈ ແລະ ເພີ່ມທະວີຄວາມສາມັກຄີ.
ກອງປະຊຸມຄັ້ງທຳອິດຂອງ ສະມັດຊາໃຫຍ່ ສປຊ ຊຸດທີ 77 ໄດ້ເລີ່ມຕົ້ນຢ່າງເປັນທາງການໃນວັນທີ 13 ກັນຍາ ປີ 2022. ທ່ານ ຊາບາ ໂຄໂຣຊີ ໄດ້ປະກາດທິດນຳໃນການເຄື່ອນໄຫວຂອງທ່ານ ໃນອາຍຸການໜຶ່ງປີຈະມາເຖິງແມ່ນ: ຊອກຫາບັນດາມາດຕະການຜ່ານຄວາມສາມັກຄີ, ວິທະຍາສາດ ແລະ ພັດທະນາແບບຍືນຍົງ.
