ຕາມຂ່າວຈາກ ຊິນຮວາ, ມຽນມາ ມີລາຍໄດ້ຈາກການສົ່ງເຂົ້າອອກ ໃນໄລຍະ 5 ເດືອນ ທຳອິດປີນີ້ ຈຳນວນ 889.991 ໂຕນ ຄິດເປັນມູນຄ່າ ປະມານ 302 ລ້ານໂດລາສະຫະລັດ ຫລັງຈາກສະຫະພັນເຂົ້າມຽນມາເປີດເຜີຍປະລິມານເຂົ້າສົ່ງອອກຂ້າງຕົ້ນແບ່ງເປັນການຂົນສົ່ງຜ່ານເສັ້ນທາງ ທາງທະເລ ໂດຍບໍລິສັດ ສົ່ງອອກປະມານ 44ແຫ່ງ ຈຳນວນ 731.590 ໂຕນ ແລະ ການຂົນສົ່ງຜ່ານດ່ານຊາຍແດນທາງບົກສູ່ກຸ່ມປະເທດເພື່ອນບ້ານ ຈຳນວນ 158.400 ໂຕນ ໂດຍສ່ວນໃຫຍ່ສົ່ງໄປປະເທດ ໃນພາກພື້ນອາຟຣິກາ ແລະ ປະເທດສະມາຊິກສະຫະພາບເອີຣົບ ຜ່ານເສັ້ນທາງການຄ້າທາງທະເລ. ຂະນະດຽວກັນ ສົ່ງອອກເຂົ້າສູ່ປະເທດເພື່ອນບ້ານ ເຊັ່ນ: ຈີນ ແລະ ໄທ ຜ່ານດ່ານຊາຍແດນທາງບົກ.
Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)
