ຂ່າວຕ່າງປະເທດລາຍງານ ເມື່ອວັນທີ 5 ກັນຍາທີ່ຜ່ານມານີ້, ທ່ານນາຍົກລັດຖະມົນຕີ ໂອລາບ ໂຊນ ໄດ້ອອກຖະແຫຼງການໂດຍປະກາດການຈັດສັນງົບປະມານສຸກເສີນເພີ່ມອີກ 65.000 ລ້ານເອີໂຣ ເພື່ອຊ່ວຍເຫຼືອພາກຄົວເຮືອນ ແລະ ພາກທຸລະກິດຂອງເຢຍລະມັນໃນການຮັບມືກັບວິກິດລາຄານ້ຳມັນເຊື້ອໄຟທີ່ເພີ່ມສູງຂຶ້ນ ເຮັດໃຫ້ຂະນະນີ້ເຢຍລະມັນໃຊ້ງົບປະມານເພື່ອສິ່ງນີ້ໄປແລ້ວ 100.000 ລ້ານເອີໂຣ ນັບຕັ້ງແຕ່ເກີດການແຜ່ລະບາດຂອງພະຍາດໂຄວິດ-19.
ສຳລັບມາດຕະການຊ່ວຍເຫຼືອລວມເຖິງການຂະຫຍາຍຂອບເວລາຂອງມາດຕະການຈ່າຍເງິນຊ່ວຍເຫຼືອດ້ານພະລັງງານຄັ້ງດຽວແມ່ນຄວບຄຸມກຸ່ມຄົນໄວກະສຽນ ຊຶ່ງຮັບເບ້ຍບຳນານ ແລະ ນັກສຶກສາໃນລາຄາ 300 ເອີໂຣ ແລະ 200 ເອີໂຣ ຕາມລຳດັບ ຫຼັງຈາກກ່ອນໜ້ານີ້ເຮັດໃຫ້ການຊ່ວຍເຫຼືອພະນັກງານບໍລິສັດ ແລະ ລູກຈ້າງສະຖານປະກອບການໃນອັດຕາ 300 ເອີໂຣ. ຂະນະທີ່ຜູ້ປະກອບການ ຊຶ່ງໃຊ້ພະລັງງານໃນລະດັບສູງປະມານ 9.000 ແຫ່ງ ຈະໄດ້ຮັບການຍົກເວັ້ນພາສີທີ່ກ່ຽວຂ້ອງຊົ່ວຄາວລວມມູນຄ່າປະມານ 1.700 ລ້ານເອີໂຣ.
