ຈີນ ໄດ້ປະກາດໃຫ້ຄໍາຫມັ້ນສັນຍາວ່າ ຈະໃຫ້ການຊ່ວຍ ເຫລືອເພີ່ມອີກ 300 ລ້ານຢວນ (ປະມານ 43,5 ລ້ານໂດລາສະຫະລັດ) ແກ່ປາກິສຖານ ຫຼັງຈາກເຄື່ອງຊ່ວຍເຫລືອສຸກ ເສີນທີ່ຈີນໃຫ້ການຊ່ວຍເຫລືອ ມູນຄ່າ 100 ລ້ານຢວນ (ປະມານ 14,5 ລ້ານໂດລາສະຫະລັດ) ໄດ້ຂົນສົ່ງເຖີງ
ປາກິສຖານໃນອາທິດຜ່ານມາ ເນື່ອງຈາກສະພາບນໍ້າຖ້ວມຮ້າຍແຮງໃນປາກິສຖານ ເຮັດໃຫ້ມີຜູ້ເສຍຊີວິດຫລາຍກວ່າ 1.200 ຄົນ.
ທ່ານ ຫລົວ ຈ້າຍຮຸຍ (Luo Zhaohui), ປະທານອົງ ການຮ່ວມມືເພື່ອການພັດທະນາສາກົນຂອງຈີນ ໄດ້ປະ ກາດການຕັດສິນໃຈໃຫ້ການຊ່ວຍເຫລືອດັ່ງກ່າວໃນລະ ຫວ່າງການພົບປະຜ່ານລະບົບທາງໄກກັບ ທ່ານ ອັກຕາ ນາວາສ (AKhtar Nawaz), ປະທານອົງການຄຸ້ມຄອງໄພພິ ບັດແຫ່ງຊາດປາກິສຖານ (NDMA) ໃນວັນທີ 3 ກັນຍານີ້.
ທ່ານ ຫລົວ ຈ້າຍຮຸຍ ໄດ້ຂໍໃຫ້ປາກິສຖານລະບຸຢ່າງລະ ອຽດກ່ຽວກັບຄວາມຕ້ອງການຊ່ວຍເຫລືອຢ່າງຮີບດ່ວນທີ່ ສຸດ ເພື່ອເຮັດໃຫ້ການຊ່ວຍເຫລືອຂອງຈີນເຂົ້າເຖີງມືປະຊາ ຊົນທີ່ຕ້ອງການການຊ່ວຍເຫລືອໄດ້ຢ່າງວ່ອງໄວ ແລະ ກ່າວວ່າ ຈີນມີຄວາມເຫັນອົກເຫັນໃຈປະຊາຊົນປາກິສຖານທີ່ປະສົບໄພນໍ້າຖ້ວມຄັ້ງຮ້າຍແຮງທີ່ເກີດຂຶ້ນໃນຮອບຫລາຍທົດສະວັດຜ່ານມາ ແລະ ຈີນ ບໍ່ເຄີຍລືມວ່າປາກິສຖານໄດ້ຊ່ວຍເຫລືອຜ້າເຕັ້ນຊົ່ວ ຄາວແກ່ປະຊາຊົນຈີນໃນເວລາເກີດແຜ່ນດິນໄຫວຢູ່ເຫວີນສວນ (Wenchuan) ໃນໄລຍະຜ່ານມາ.
ທ່ານ ຫລົວ ຈ້າຍຮຸຍ ກ່າວຕື່ມວ່າ: ຈີນ ໄດ້ສົ່ງຜ້າເຕັ້ນ ປະມານ 3.000 ຫລັງດ້ວຍຍົນທະຫານ ແລະ ໄດ້ກະກຽມຫົວຫອມ 200 ໂຕນ ເພື່ອຂົນສົ່ງໄປຊ່ວຍເຫລືອປາກິສຖານຜ່ານທາງຫລວງກາຣາໂກຣໍາພາຍໃນຫນຶ່ງອາທິດ. ນອກຈາກນີ້ ສໍານັກງານອຸທົກກະສາດຂອງຈີນ ໄດ້ຈັດໃຫ້ມີການຄາດຄະເນສະພາບອາກາດໃນເວລາຕໄວຈິງຢ່າງຖືກຕ້ອງ (real-time). ຂະນະດຽວກັນ ວິສາຫະກິດ ແລະ ລັດຖະບານທ້ອງຖິ່ນຫຼາຍແຫ່ງກໍາລັງຈັດການບໍລິຈາກ ເພື່ອຊ່ວຍເຫລືອປະຊາຊົນປາກິສຖານທີ່ປະສົບໄພນໍ້າຖ້ວມ, ພ້ອມນີ້ ທ່ານຍັງຢືນຢັນວ່າ: ຈີນເຕັມໃຈທີ່ຈະຊ່ວຍເຫລືອປາກິສຖານໃນການຟື້ນຟູປະເທດຫລັງຈາກໄພພິບັດຮ້າຍແຮງທີ່ເກີດຂຶ້ນໃນຄັ້ງນີ້.
ທາງດ້ານ ທ່ານ ເຊບາສ ຊາຣິຟ (Shehbaz Sharif) ນາຍົກລັດຖະມົນຕີປາກິສຖານ, ໃນວັນທີ 3 ກັນຍານີ້ ໄດ້ກ່າວສະແດງຄວາມຂອບໃຈຕໍ່ການຊ່ວຍເຫລືອຂອງຈີນ ເຊີ່ງເປັນການສະແດງໃຫ້ເຫັນເຖີງສາຍພົວພັນແຫ່ງມິດ ຕະພາບອັນເປັນເອກະລັກຂອງສອງປະເທດ. ການສະຫນັບສະຫນຸນນີ້ຈະຊ່ວຍບັນເທົາທຸກທີ່ຈໍາເປັນຫຼາຍແກ່ປະຊາຊົນປາກິສຖານ.
ອີງຕາມຂໍ້ມູນຈາກ NDMA, ໄພນໍ້າຖ້ວມຄັ້ງຮ້າຍແຮງທີ່ເກີດຂຶ້ນໃນປາກິສຖານ ເຮັດໃຫ້ມີຜູ້ເສຍຊີວິດ 1.290 ຄົນ ແລະ ໄດ້ຮັບຜົນກະທົບຫຼາຍກວ່າ 33 ລ້ານຄົນ, ເຮືອນຊານໄດ້ຮັບຄວາມເສຍຫາຍຫຼາຍກວ່າ 1,46 ລ້ານຫລັງ, ຂົວ 243 ແຫ່ງ ແລະ ທາງຫລວງ 5.563 ກິໂລແມັດ. ປັດຈຸບັນເນື້ອທີ່ 1 ສ່ວນ 3 ຂອງປາກິສຖານຍັງຈົມຢູ່ໃຕ້ນໍ້າທີ່ຍັງບໍ່ທັນມີທ່າອ່ຽງຫລຸດລົງເທື່ອ.
Cr: BT
Source: https://news.cgtn.com/news/
2022-09-04/China-to-provide-another -300-million-yuan-aid-to-flood-hit-Pakistan-1d3pkmJHpi8/index.html
