ພັດດທະນາ ຊົນນະບົດ ຫວຽດນາມ ເປີດເຜີຍວ່າ: ໃນໄລຍະ 8 ເດືອນຂອງປີນີ້, ຍອດວົງເງິນ ສົ່ງອອກ ຜະລິດ ຕະພັນ ກະສິກຳ, ເຄື່ອງປ່າຂອງດົງ, ສິນໃນນ້ຳ ຂອງຫວຽດນາມ ຄາດວ່າ ບັນລຸປະມານ 66,2 ຕື້ໂດລາ ສະຫະລັດ ເພີ່ມຂຶ້ນ 8,7% ເມື່ອທຽບໃສ່ ປີກາຍ ເຮັດໃຫ້ ມູນຄ່າ ການສົ່ງອອກ ຄາດວ່າ ປະມານ36,3 ຕື້ໂດລາ ສະຫະລັດ ເພີ່ມຂຶ້ນ 13%.
ສຳລັບ ໃນ 8 ເດືອນຜ່ານມາ, ມີ 7 ຜະລິດ ຕະພັນ, ໝວດຜະລິດ ຕະພັນ ມີມູນຄ່າ ການສົ່ງອອກກ່ວາ 2 ຕື້ໂດລາ ສະຫະລັດ ລວມມີ: ກາເຟ, ຢາງພາລາ,ເຂົ້າສານ, ໝາກໄມ້, ໝາກມ່ວງ ຫິມະພານ ແລະ ອື່ນໆອີກ ພ້ອມກັນນັ້ນ, ຍັງຫລາຍ ປະເພດ ສິນຄ້າ ບັນລຸ ມູນຄ່າ ການສົ່ງອອກ ສູງກ່ວາ ປີກາຍຄື: ກາເຟ, ຢາງພາລາ, ເຂົ້າສານ, ໝາກພິກໄທ, ມັນຕົ້ນ.
ໃນ 8 ເດືອນຜ່ານມາ, ບັນດາຕະຫລາດ ຂຶ້ນກັບ ພາກພື້ນ ອາຊີ, ກວມອັດຕາສ່ວນສູງສຸດ ດ້ວຍກ່ວາ 43%, ຈາກນັ້ນແມ່ນ ທະວີບ ອາເມລິກາ, ເອີລົບ, ທະວີບ ໂອເຊອານີ ແລະ ອາຟຣິກາ. ຂະນະທີ່ ສ.ອາເມລິກາ ຍັງສືບຕໍ່ແມ່ນ ຕະຫລາດ ສົ່ງອອກ ໃຫຍ່ສຸດ, ຖັດມາແມ່ນຕະຫລາດ ຈີນ, ຕະຫລາດ ຍີ່ປຸ່ນ ແລະ ຕະຫລາດ ສ. ເກົາຫລີ ຕາມລຳດັບ.
ສຳລັບ ປີ 2022, ກະຊວງ ກະສິກຳ ແລະ ພັດທະນາ ຊົນນະບົດ ຈະປະຕິບັດ ໃຫ້ສຳເລັດ ການເຈລະຈາ ເປີດປະຕູ ຕະຫລາດ ສຳລັບ ບັນດາ ຜະລິດ ຕະພັນເຊິ່ງ ລວມມີ: ໝາກລຳໄຍ ສົ່ງອອກ ໄປຍັງ ຍີ່ປຸ່ນ; ສືບຕໍ່ເຈລະຈາ ບັນດາ ຜະລິດ ຕະພັນໝາກນອດ, ໝາກພ້າວ ສົ່ງອອກໄປ ສ.ອາເມລິກາ.
#Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)
.
