ທ່ານ ສອນສຸລີ ດາວພະຄິດ ຕາງໜ້າ ບໍລິສັດພິນທອງ ກໍ່ສ້າງຂົວທາງ ໃຫ້ຮູ້ໃນວັນທີ 29 ສິງຫາ 2022 ນີ້ວ່າ: ພາຍຫລັງທີ່ໄດ້ຮັບຂ່າວວ່າເສັ້ນທາງທີ່ບໍລິສັດຮັບຜິດຊອບ ສ້ອມແປງສຸກເສີນ ກໍຄື ທາງ 2E ທາງຫລວງແຫ່ງຊາດ ທີ່ໄດ້ຮັບຜົນກະທົບຈາກໄພນ້ຳຖ້ວມ ໃນວັນທີ 26 ສິງຫາ 2022 ເລີ່ມແຕ່ກິໂລແມັດທີ 15 ຫາ ກິໂລແມັດທີ 24 (ເມືອງໄຊ – ເມືອງຫລາ) ລົດບໍ່ສາມາດສັນຈອນໄປ-ມາໄດ້. ດັ່ງນັ້ນ ບໍລິສັດຈິ່ງໄດ້ສຸມໃສ່ແກ້ໄຂສຸກເສີນໃຫ້ທັນການທັງເວັນ ແລະຄືນ ເພື່ອໃຫ້ການສັນຈອນສາມາດໄປ-ມາໄດ້ ໃນຊ່ວງນີ້
ພ້ອມນີ້ ທ່ານ ສອນສຸລີ ດາວພະຄິ ຍັງຮຽກຮ້ອງມາຍັງຜູ້ໃຊ້ລົດໃຊ້ຖະໜົນທັງຫລາຍ ໂດຍສະເພາະແມ່ນລົດບັນທຸກໜັກແມ່ນໃຫ້ລະມັດລະວັງ ຖ້າບໍ່ຈຳເປັນແມ່ນບໍ່ຢາກໃຫ້ສັນຈອນທາງນີ້ເທື່ອ ເພາະເສັ້ນທາງຍັງເປັນເສັ້ນທາງສ້ອມແປງສຸກເສີນ ຍັງບໍ່ສາມາດຮັບນ້ຳໜັກລົດບັນທຸກໜັກໄດ້ເທື່ອ.
#Medialaos MMD
