ຕາມຂ່າວຈາກ VOVWORLD, ວັນທີ 28 ສິງຫາ, ສະຫະພັນ ຍຸຕິທຳ ດິນຟ້າອາກາດ ລະຫວ່າງ ອາຟຣິກາ (PACJA) ໂດຍເປັນ ອົງການ ຂົນຂວາຍ ແລວສີ ຂຽວ ທີ່ມີ ສຳນັກງານໃຫຍ່ ຕັ້ງຢູ່ນະຄອນຫລວງ ໄນໂຣບີ (Nairobi) ຂອງເຄັນຢາ ໄດ້ປຸກລະດົມ ບັ້ນຮົບ ທວນໄຟ ແຫ່ງຄວາມ ຍຸຕິທຳ ດິນຟ້າ ອາກາດ (CJT) ດ້ວຍເປົ້າ ໝາຍ ເພື່ອສົ່ງເສີມ ບັນດາ ການກະທຳ ຢູ່ທ້ອງຖິ່ນ ມຸ່ງໄປເຖິງ ການຍູ້ໄວ ວິວັດການຫັນ ໄປສູ່ ການປ່ອຍ ມົນລະພິດ ລະດັບຕ່ຳສຸດ ໃນອະນາຄົດ.ຈາກນັ້ນ ທ່ານ Mithika Mwenda, ຜູ້ອຳນວຍການ ບໍລິຫານ ຂອງ PACJA ໃຫ້ຮູ້ວ່າ ບັ້ນຮົບນີ້ ຈະຊອກຫາ ວິທີ ເຕົ້າໂຮມ ບັນດາ ວົງຄະນະຍາດ ຂັ້ນຮາກຖານ ມຸ່ງໄປເຖິງ ການເຄື່ອນ ໄຫວ ຊຸກຍູ້ ວິວັດ ການຫັນ ເປັນສີຂຽວ ຢູ່ ທະວີບ ທີ່ໄດ້ຮັບ ຜົນກະທົບ ຢ່າງແຮງ ຈາກການ ປ່ຽນແປງ ຂອງດິນຟ້າ ອາກາດ ເພື່ອແນໃສ່ ເປົ້າໝາຍ ລະດົມ ແລະ ປຸກລຸກ ສຽງເວົ້າ ຂອງປະຊາຄົມ ທີ່ມີຄວາມສ່ຽງ ສູງກ່ວາໝູ່ ພ້ອມທັງ ສ້າງຄວາມ ຄາດຫວັງ ປາດຖະໜາ ຂອງປະຊາຊົນ ອາຟຣິກາ, ຜູ້ທີ່ໄດ້ຮັບ ຜົນເສຍຫາຍ ຢ່າງຫລວງຫລາຍ ຈາກຜົນກະທົບ ຂອງການປ່ຽນແປງ ດິນຟ້າ ອາກາດ.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
