ຕາມຂ່າວຈາກ CRI: ກອງປະຊຸມໃຫຍ່ ລົດພະລັງງານໃໝ່ ໂລກປີ 2022 ໄດ້ຈັດ ຂຶ້ນຢູ່ ນະຄອນຫລວງ ປັກກິ່ງ ຂອງຈີນ ເມື່ອບໍ່ດົນມານີ້ ພາຍໃຕ້ຫົວຂໍ້ “ການຫັນມາ ນຳໃຊ້ ໄຟຟ້າ ຢ່າງຮອບດ້ານ ແລະ ການຮ່ວມມື ສາກົນ ພາຍໃຕ້ ວິໄສທັດ ທີ່ປອດ ການປ່ອຍ ກາກບອນ ດີອອກຊິດ”,ໄດ້ເຊື້ອເຊີນ ຜູ້ຕາງໜ້າ ວົງການ ການເມືອງ, ອຸດສາຫະກຳ,ວິຊການ ແລະ ວົງການ ຄົ້ນຄວ້າ ຂອງໂລກ ຮ່ວມກັນ ປຶກສາຫາລື ກ່ຽວກັບ ການເພີ່ມທະວີ ການຮ່ວມມື ແລະ ການແລກປ່ຽນ ກ່ຽວກັບ ການພັດທະນາ ແບບສີຂຽວ ແລະ ກາກບອນຕ່ຳ ຂອງໂລກ ຕື່ມອີກ, ຊຸກຍູ້ ການເຊື່ອມໂຍງ ເຊື່ອມຈອດກັນ ຂອງທົ່ວ ຕ່ອງໂສ້ ການຜະລິດ, ເລັ່ງລັດ ການກຳຈັດ ອຸປະສັກ ທີ່ກີດຂວາງ ລົດພະລັງງານໃໝ່ ເຂົ້າສູ່ຕະຫລາດ ຢ່າງຮອບດ້ານ ໂດຍມີ ຜູ້ຕາງໜ້າ 1.500 ກວ່າຄົນ ທີ່ມາຈາກ 14 ປະເທດ ແລະ ເຂດແຄວ້ນ ຈະດຳເນີນ ການແລກປ່ຽນ ແລະ ຄົ້ນຄວ້າ ສຳມະນາກັນ ຜ່ານທາງ ອອນລາຍ ແລະ ອໍອຟລາຍ.
ນັບມາຮອດທ້າຍປີ 2021, ປະລິມານ ການຈຳໜ່າຍ ລົດພະລັງງານໃໝ່ ຂອງໂລກ ໄດ້ບັນລຸ ຫລາຍກວ່າ 16 ລ້ານຄັນ, ຈີນ ກວມເອົາ ຫລາຍກວ່າ 50%. ແຕ່ເດືອນມັງກອນ ຫາເດືອນມິຖຸນາ ປີນີ້, ປະລິມານ ການຈຳໜ່າຍ ລົດພະລັງງານໃໝ່ ຂອງໂລກ ໄດ້ມີ ຫລາຍກວ່າ 4,22 ລ້ານຄັນ, ເພີ່ມຂຶ້ນ 66,3% ເມື່ອທຽບໃສ່ ໄລຍະ ດຽວກັນ ຂອງປີກາຍ; ໃນນັ້ນ, ປະລິມານ ການຈຳໜ່າຍ ລົດພະລັງງານໃໝ່ ຂອງຈີນ ໄດ້ມີເຖິງ 2,6 ລ້ານຄັນ,ເພີ່ມຂຶ້ນ 115% ເມື່ອທຽບໃສ່ ປີກາຍ.
#Medialaos MMD (ແຫຼ່ງຂໍ້ມູນຈາກ: ສຳນັກຂ່າວສານປະເທດລາວ)
