ຂ່າວສານຊີອາໄອລາຍງານ ເມື່ອວັນທີ 27 ສິງຫາ ຜ່ານມານີ້, ກົມສະຖິຕິແຫ່ງຊາດຈີນໄດ້ເປີດເຜີຍໂຕເລກຂໍ້ມູນ ໂດຍສະແດງໃຫ້ເຫັນວ່າ: ແຕ່ເດືອນມັງກອນ ຫາ ເດືອນກໍລະກົດ ປີນີ້, ລາຍຮັບຂອງວິສາຫະກິດອຸດສາຫະກຳທີ່ມີລາຍໄດ້ຫຼາຍກວ່າ 20 ລ້ານຢວນຕໍ່ປີໃນທົ່ວປະເທດຈີນ ໄດ້ເພີ່ມຂຶ້ນ 8,8% ເມື່ອທຽບໃສ່ໄລຍະດຽວກັນຂອງປີ 2021, ໄດ້ຮັກສາຈັງຫວະການເຕີບໂຕທີ່ອ່າວໄວ; ກຳໄລໄດ້ຫຼຸດລົງ 1,1% ເມື່ອທຽບໃສ່ໄລຍະດຽວກັນຂອງປີ 2021 ແຕ່ໃນ 6 ເດືອນຕົ້ນປີນີ້ໄດ້ເພີ່ມຂຶ້ນ 1%.
ໂຕເລກສະຖິຕິສະແດງໃຫ້ເຫັນວ່າ: ແຕ່ເດືອນມັງກອນຫາເດືອນກໍລະກົດປີ 2022 ໃນ 41 ຂະ ແໜງການປະເພດອຸດສາຫະກຳ, ມີ 16 ຂະແໜງການໄດ້ມີກຳໄລເພີ່ມຂຶ້ນເມື່ອທຽບໃສ່ໄລຍະດຽວກັນຂອງປີທີ່ຜ່ານມາ ຊຶ່ງກວມ 39% ໃນ 41 ຂະແໜງການຄືກັນກັບ 6 ເດືອນຕົ້ນປີນີ້, ໃນ 16 ຂະແໜງການດັ່ງກ່າວ ມີ 14 ຂະແໜງການໄດ້ສ້າງລາຍໄດ້ເພີ່ມຂຶ້ນ 5% ເມື່ອສັງເກດຈາກດ້ານລວມແລ້ວເຫັນວ່າ ປະສິດທິຜົນຂອງວິສາຫະກິດອຸດສາຫະກຳໄດ້ຮັກສາທ່າອ່ຽງຟື້ນຕົວຄືນ ແຕ່ຍ້ອນໄດ້ຮັບຜົນກະທົບຈາກປັດໄຈຕ່າງໆ, ກຳໄລຂອງວິສາຫະກິດເຫຼົ່ານີ້ຈຶ່ງໄດ້ຫຼຸດລົງເລັກໜ້ອຍ.
