ໃນຕອນເຊົ້າຂອງວັນທີ 24 ສິງຫາ 2022 ຢູ່ຫໍປະຊຸມໃຫ່ຍຂອງເມືອງໂພນໄຊ ໄດ້ຈັດພິທີເປີດຂະບວນການທໍາລາຍແຫຼ່ງເພາະພັນໜອນນໍ້າຍຸງລາຍ ຂື້ນຢ່າງເປັນທາງການ ໂດຍເປັນປະທານຂອງທ່ານ ສົມຈິດ ລັດຕະນະ ຮອງເຈົ້າເມືອງ-ເມືອງໂພນໄຊ,ເຂົ້າຮ່ວມມີຫົົວໜ້າຫ້ອງການ,ຮອງຫ້ອງການ,ຄະນະກໍາມາທິການເພື່ອແມ່ ແລະ ເດັກຂັ້ນເມືອງ, ມີອໍານວຍການ,ຮອງອໍານວຍການໂຮງໝໍນ້ອຍທັງ 9 ແຫ່ງ ແລະ ຄະນະອໍານວຍການໂຮງໝໍຊຸມຊົນຕະຫຼອດຮອດພະນັກງານແພດໝໍ ຢ່າງພ້ອມພຽງ.
ພິທີດັ່ງກ່າວ ທ່ານ ນາງ ຄໍາແພງ ອໍາພອນສຸກ ຮອງຫົວໜ້າຫ້ອງການສາທາລະນະສຸກເມືອງຂື້ນຜ່ານໃນການຈັດຕັ້ງປະຕິບັດ ແລະ ການສະກັດກັ້ນຕ້ານພະຍາດໄຂ້ຍຸງລາຍແມ່ນພະຍາດທີ່ເປັນບັນຫາທາງດ້ານສາທາລະນະສຸກມີຜົນກະທົບເສດຖະກິດ-ສັງຄົມກໍ່ຄຶທາງດ້ານສຸຂະພາບຂອງປະຊາຊົນ, ພະຍາດໄຂ້ຍຸງລາຍຄົ້ນພົບກໍລະນີທໍາອິດຢູ່ແກາະໄຄໂລ ປະເທດເອຍີບໃນປີ 1799 ໃນເມືອກ່ອນໄຂ້ຍຸງລາຍສ່ວນໃຫ່ຍເປັນແລ້ວບບໍ່ຄ່ອຍມີອາການແຮງແຮງ ແລະ ການເກີດລະບາດມີໄລຍະຫ່າງກັນຫຼາຍ 10 ຫາ 20 ປີຈຶ່ງເກີດຂື້ນເທືອໜຶ່ງ, ປະຈຸບັນການເກີດລະບາດຂອງພະຍາດໄຂ້ຍງລາຍຈະເກີດເປັນທຸກໆປີ ແລະ ມີການແຜ່ລາມໄປສູ່ຂົງເຂດຊົນນະບົດ,ພະຍາດໄຂ້ຍຸງລາຍແມ່ນພະຍາດຕິດຕໍ່ທີເກີດຈາກເຊື້ອຈຸລະໂລກ ຫຼື ເຊື້ອໄວຣັດໂດຍແມ່ນຍຸງລາຍໂຕແມ່ເປັນພາຫະນະນໍາສົ່ງເຊື້ອ 98 ສ່ວນຮ້ອຍ ແມ່ນຍຸງລາຍບ້ານນໍາສົ່ງເຊື້ອພະຍາດໄຂ້ຍຸງລາຍ ແລະ 2 ສ່ວນຮ້ອຍ ແມ່ນຍຸງລາຍປ່ານໍາສົ່ງເຊື້ອພະຍາດໄຂ້ຍຸງລາຍ.
ອາການຜູ້ທີເປັນໄຂ້ເລືອດອອກມີອາການໄຂ້ສູງກະທັນຫັນ, ເຈັບຫົວ, ປວດຕາມກ້າມຊີ້ນ ແລະ ຂໍ້ຕໍ່ຕ່າງໆ, ປວດຕາມກະບົງຕາ ແລະ ຕາແດງໃນການປີ່ນປົວພະຍາດໄຂ້ຍຸງລາຍຍັງບໍ່ທັນມີຢາປີ່ນປົວ. ບໍ່ໍມີວັກຊີນເພື່ອປ້ອງກັນ, ປະຈຸບັນມີແຕ່ປີ່ນປົວຕາມອາການຕ່າງໆ ເພື່ອຊ່ວຍປ້ອງກັນບໍ່ໃຫ້ມັນເກີດອາການສົນຂອງພະຍາດ ແລະ ບໍ່ໃຫ້ຄົນເຈັບກ້າວໄປສູ່ການເສຍຊີວິດ, ຖ້າຫາກພົບເຫັນຄົນເຈັບມີອາການກ່າວມາຂ້າງເທິງນັ້ນ ແມ່ນແນະນໍາໄປໂຮງໝໍໃຫ້ທັນກັບເຫດການ, ໃນນັ້ນຢູ່ເມືອງໂພນໄຊ ມີຜູ້ຕິດເຊື້ອພະຍາດໄຂ້ຍຸງລາຍ 10 ກໍລະນີ.
ພ້ອມກັນນັ້ນຄະນະປະທານໄດ້ເນັ້ນໝັກບາງບັນຫາທີ່ສໍາຄັນເປັນຕົ້ນແມ່ນຂະແໜງການທີ່ກ່ຽວຂ້ອງ ແລະ ຄະນະກໍາມາທິການເພືອແມ່ ແລະ ເດັກຂັ້ນເມືອງຕ້ອງເອົາໃຈໃສ່ໃນການລົງໂຄສະນາເຜີຍແຜ່ປະຕິບັດ 5 ປໃຫ້ເປັນນິໄສລົງສູ່ຊຸມຊົນ,ປະຊາຊົນ ຢູ່ແຕ່ລະຄອບຄົວໃຫ້ໄດ້ຮັບຂໍ້ມູນຢ່າງທົ່ວເຖິງ, ເນັ້ນຫຼັກ 5 ປ,ເພື່ອປາມໄຂ້ຍຸງລາຍປະຕິບັດ 5 ປຢ່າງເຂັ້ມງວດ,ປີດຝາພາຊະນະທີເກັບນໍ້າໃນເຮືອນ ແລະ ນອກເຮືອນເພື່ອບໍ່ໃຫ້ຍຸງມາໄຂ່ໃສ່,ປ່ຽນນໍ້າ ແລະ ພັດຖູພາຊະນະເຊັ່ນຕເຕົ້າດອກໄມ້,ນໍ້າຮ່ອງຕີນຕູ,ຖ້ານຮອງຈອກນໍ້າ, ປ່ອຍປາຫາງນົກຍຸງ ເພື່ອກີນໜອນນໍ້າ,ປັບປຸງ ສະພາບແວດລ້ອມບໍ່ໃຫ້ມີນໍ້າຄ້າງຂັງກະໂປະ,ກະປ໊ອງ, ຮາງລີນ ແລະ ຢ່າງຕີນລົດເກົ່າ ແລະ ປະຕິບັດເປັນປະຈໍາທຸກໆອາທິດ ແລະ ຖ້າເປັນໄຂ້ໃຫ້ໄປປີ່ນປົວຢູ່ໂຮງໝໍ ຫຼື ໂຮງໝໍນ້ອຍໃກ້ບ້ານຂອງທ່ານ.
ພາຍຫຼັງສໍາເລັດພິທີແລ້ວ ຄະນະປະທານມີຫົົວໜ້າຫ້ອງການ,ຮອງຫ້ອງການ,ຄະນະກໍາມະການເພື່ອແມ່ ແລະ ເດັກຂັ້ນເມືອງ,ມີອໍານວຍການ,ຮອງອໍານວຍການໂຮງໝໍນ້ອຍທັງ 9 ແຫ່ງ ແລະ ຄະນະອໍານວຍການໂຮງໝໍຊຸມຊົນຕະຫຼອດຮອດພະນັກງານແພດໝໍ ໄດ້ພາກັນຍ່າງເດີ່ນຂະບວນການຕ້ານການທໍາລາຍແຫຼ່ງເພາະພັນໜອນນໍ້າຍຸງລາຍອ້ອມເທດສະບານເມືອງຢ່າງຢ່າງເປັນຂະບວນຟົດຟື້ນ.
ຂ່າວ-ພາບ: ສີວອນ ນັກຂ່າວເມືອງໂພນໄຊ
#Medialaos MMD
