ຕາມຂ່າວຈາກ matichon, ວັນທີ23ສິງຫານີ້, ທ່ານ Don Pramudwinai, ຮອງນາຍົກ ລັດຖະມົນຕີ, ລັດຖະມົນຕີ ວ່າການ ກະຊວງ ການຕ່າງ ປະເທດໄທ ແລະ ທ່ານ ດຣ Supromnayam Chaisangkra, ລັດຖະມົນຕີ ວ່າການ ກະຊວງ ການຕ່າງ ປະເທດ ອິນເດຍ ພ້ອມດ້ວຍ ຄະນະ ຜູ້ແທນ ທັງສອງຝ່າຍ ໄດ້ເຂົ້າຮ່ວມ ກອງປະຊຸມຄະນະກຳມະທິການຮ່ວມມື ສອງຝ່າຍ ໄທ-ອິນເດຍ (JC) ຄັ້ງທີ 9 ໄດ້ຈັດຂຶ້ນຢູ່ໄທ.
ໃນໂອກາດ ເພື່ອສະເຫລີມ ສະຫລອງ 75 ປີ ແຫ່ງ ວັນສ້າງຕັ້ງ ສາຍພົວພັນ ທາງການທູດ ລະຫວ່າງ ໄທ ແລະ ອິນເດຍ ພ້ອມທັງຊຸກຍູ້ການຄ້າ ລະຫວ່າງສອງປະເທດ ໃຫ້ບັນລຸ 1,49 ຕື້ໂດລາ ສະຫະລັດ ໂດຍຈະສ້າງຂີດ ຄວາມສາມາດ ທາງເສດຖະກິດ ແລະ ການລົງທຶນ ເພື່ອຂະຫຍາຍ ການຮ່ວມມື ໃຫ້ກວ້າງຂວາງ ຍິ່ງຂຶ້ນ ໂດຍທັງສອງປະເທດ ຈະເລັ່ງຟື້ນຟູ ກົນໄກ ກອງປະຊຸມ ຮ່ວມທາງເສດຖະກິດ ລະຫວ່າງ ໄທ ແລະ ອິນເດຍ ຄັ້ງທີ2 ແລະ ສະໜັບສະໜູນການແລກປ່ຽນ ຂອງພາກເອກະຊົນຜ່ານການສ້າງເວທີປາໄສ ເພື່ອການເລີ່ມຕົ້ນທີ່ມີທ່າແຮງສູງ ຂອງສອງປະເທດ ເພື່ອເຮັດໃຫ້ ນັກທຸລະກິດ ມີໂອກາດ ພົວພັນ ແລະ ແລກປ່ຽນ ຂໍ້ມູນ ຂ່າວສານ ທີ່ເປັນປະໂຫຍດ ຕໍ່ກັນ.ນອກນີ້ ຍັງຈະເພີ່ມ ການຮ່ວມມື ສີຂຽວ ທີ່ຈະພັດທະນາ ພະລັງງານ ໝູນວຽນ ອັນເປັນສິ່ງ ທ້າທາຍ ໃນປັດຈຸບັນ ທີ່ໄທ ແລະ ອິນເດຍ ຕ້ອງຮັບມືກັບ ບັນຫາ ການປ່ຽນແປງ ດິນຟ້າ ອາກາດ. ໃນດ້ານ ການເຊື່ອງຕໍ່ ໄທ ແລະ ອິນເດຍ ຕົກລົງເຫັນດີ ທີ່ຈະບັນລຸ ການພັດທະນາ ໂຄງການ ຖະໜົນ 3ຝ່າຍ ອິນເດຍ-ມຽນມາ-ໄທ ເພື່ອສ້າງ ການເຊື່ອມຕໍ່ ລະຫວ່າງ ອິນເດຍ ແລະ ອາຊີ ຕາເວັນອອກ ສ່ຽງໃຕ້ ຢ່າງບໍ່ຢຸດຢັ້ງ ພ້ອມທັງ ຮ່ວມມືກັນ ໃນດ້ານອື່ນໆອີກ.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
