ຕາມຂ່າວຈາກ ເຊອຸນ, ສະກຸນເງິນວອນ ຂອງສ.ເກົາຫລີ ອ່ອນຄ່າຕ່ຳລົງກວ່າ 1.330 ວອນຕໍ່ ໂດລາສະຫະລັດ ໃນວັນທີ 22 ສິງຫານີ້ ເປັນການອ່ອນຄ່າ ທີ່ສຸດ ໃນຮອບ ກວ່າ13ປີ ເນື່ອງຈາກ ຕະຫລາດ ຄາດການວ່າ ທະນາຄານກາງ ສ.ອາເມລິກາ (ເຟດ) ຈະສືບຕໍ່ ຂຶ້ນດອກເບ້ຍ ຄັ້ງໃຫຍ່.ເງິນວອນ ປິທີ່ 1.339,08 ວອນຕໍ່ໂດລາສະຫະລັດ ໃນວັນນີ້ອ່ອນຄ່າລົງ 13,90 ວອນ ຈາກລາຄາປິດ ເມື່ອວັນທີ 19 ສິງຫານີ້ ແລະ ລົງໄປລະດັບ ຕ່ຳກວ່າ 1.340 ວອນ ໃນການຊື້ຂາຍ ລະຫວ່າງວັນ ເປັນການອ່ອນຄ່າຕ່ຳກວ່າ 1.330 ວອນ ເປັນຄັ້ງທຳອິດ ຖືວ່າອ່ອນຄ່າລົງຫລາຍກວ່າ 11%.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
