ຕາມຂ່າວຈາກ VOVWORLD ອິນໂດເນເຊຍ ຈັດດກອງປະຊຸມຜູ້ບັນຊາການກອງທັບເຮືອບັນດາປະເທດອາຊຽນ (ANCM) 2022 ໃນວັນທີ 22 ສິງຫາ ຢູ່ Nusa Dua (ບາລີ) ໂດຍເນື້ອໃນຈຸດສຸມເພື່ອປຶກສາຫາລື ກ່ຽວກັບການດຳເນີນການຊ້ອມຮົບຮ່ວມ ລະຫວ່າງບັນດາປະເທດສະມາຊິກອາຊຽນ ຫລັງຈາກ ທ່ານ ຢູໂດ ມາໂກໂນ (Yudo Margono) ຫົວໜ້າກອງບັນຊາການກອງທັບເຮືອອິນໂດເນເຊຍ ເປີດເຜີຍວ່າ: ມີບາງປະເທດສະມາຊິກອາຊຽນ, ລວມມີສິງກະໂປ ແລະ ມາເລເຊຍ ເຫັນດີຕໍ່ແຜນການຊ້ອມຮົບຮ່ວມແລ້ວ. ເຖິງຢ່າງໃດກໍຕາມ, ຕ້ອງມີບັນດາປະເທດອື່ນໃນອາຊຽນຮັບຮອງເອົາເຊັ່ນກັນ ແລະ ຄາດວ່າບັນດາປະເທດອາຊຽນກໍຈະດຳເນີນການຊ້ອມຮົບຮ່ວມໃນປີ 2023 ແລະ ບັນດາປະເທດນອກອາຊຽນ ຖ້າຫາກ ຢາກເຂົ້າຮ່ວມຕ້ອງໄດ້ຮັບຄວາມເຫັນດີຈາກບັນດາປະເທດສະມາຊິກອາຊຽນ.
(ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກ
