ແຫລ່ງຂ່າວຈາກແຂວງຫລວງພະບາງ ໃຫ້ຮູ້ວ່າ: ໃນວັນທີ 15 ສິງຫາ 2022 ນີ້, ໄດ້ເກີດມີນນໍ້າປ່າໄຫລຊຸ ຢູ່ບ້ານສະຄີງ ແລະ ບ້ານນາໂພ ເມືອງປາກແຊງ ເຮັດໃຫ້ເຮືອນຂອງປະຊາຊົນ ຢູ່ຢູ່ແຄມຕາຝັ່ງໄດ້ຮັບຄວາມເສຍຫາຍໜັກ 2 ຫລັງ ແລະເສຍຫາຍເລັກນ້ອຍອີກຈຳນວນໜຶ່ງ, ສ່ວນເນື້ອທີ່ນາແມ່ນໄດ້ຮັບຄວາມເສຍຫາຍບາງສ່ວນ.
ທ່ານ ສຸກດາວັນ ພັນຈັກຂັນ ເຈົ້າເມືອງປາກແຊງ ໄດ້ໃຫ້ຮູ້ວ່າ: ເນື່ອງຈາກສະພາບຝົນຕົກໜັກ ຕິດຕໍ່ກັນຫລາຍວັນເຮັດໃຫ້ນ້ຳຫ້ວຍໂພ ແລະ ຫ້ວຍສະຄີງໄຫລຊຸເອົາຂອນໄມ້ມາຕັນທໍ່ລະບາຍນ້ຳລອດທາງ ຈົນເກີດມີນ້ຳໄຫລຖ້ວມເຮືອນຂອງປະຊາຊົນ ແລະ ພື້ນທີ່ທຳການຜະລິດເສຍຫາຍຈຳນວນໜຶ່ງ, ເຮືອນຂອງປະຊາຊົນຢູ່ບ້ານສະຄີງ 1 ຫລັງ ແລະ ບ້ານນາໂພ 1 ຫລັງ ໄດ້ຮັບຄວາມເສຍຫາຍໜັກ. ພາຍຫລັງໄດ້ຮັບແຈ້ງເຫດການ ການນຳຂອງເມືອງ ໄດ້ສົ່ງກຳລັງທະຫານ-ຕໍ່າຫລວດ ລົງຊ່ວຍປະຊາຊົນເປັນການດ່ວນ ເຊິ່ງສາມາດຍົກຍ້າຍເຄື່ອງໃຊ້ອອກຈາກເຮືອນທີ່ໄດ້ຮັບຜົນກະທົບໜັກ ທັງໄດ້ຊ່ວຍປະຊາຊົນອະນາໄມເຮືອນທີ່ຖືກຜົນກະທົບ ພາຍຫລັງລະດັບນ້ຳເປັນປົກກະຕິ, ພ້ອມນີ້ ໄດ້ນຳໃຊ້ເງິນແຮສຸກເສີນວຽກງານໄພພິບັດຂອງເມືອງ ເພື່ອຊ່ວຍເຫລືອປະຊາ ຊົນທີ່ຖືກຜົນກະທົບໃນເບື້ອງຕົ້ນ.
ທ່ານ ສຸກດາວັນ ພັນຈັກຂັນ ຍັງໃຫ້ຮູ້ອີກວ່າ: ສ່ວນແຜນການຟື້ນຟູໄລຍະຍາວຈະສືບຕໍ່ປຸກລະດົມທຸກພາກສ່ວນ ເຂົ້າຊ່ວຍເຫລືອປະຊາຊົນໃຫ້ໄດ້ທຳການຜະລິດໃນລະ ດູແລ້ງ ເພື່ອທົດແທນຄວາມເສຍຫາຍໃນລະດູຝົນ, ທັງຈະວາງແຜນສ້ອມແປງເສັ້ນທາງຈຸດທີ່ເປ່ເພ ໃຫ້ສາມາດສັນຈອນໄດ້ສະດວກຕາມປົກກະຕິ.
#Medialaos MMD (ແຫູ່ງຂໍ້ມູນຈາກ: ສຳນັກຂ່າວສານປະເທດລາວ)
