ໃນວັນທີ 14 ສິງຫາ 2022 ທີ່ຜ່ານມານີ້, ທ່ານ ສົມໃຈ ອຸ່ນຈິດ ຮອງເຈົ້າແຂວງສາລະວັນ, ພ້ອມຄະນະ ໄດ້ ຕ້ອນຮັບ ທ່ານ ນາງ ທິບພະກອນ ຈັນທະວົງສາ ຮອງລັດຖະມົນຕີ, ຮອງຫົວໜ້າຫ້ອງວ່າການສໍານັກງານນາຍົກ, ຮອງປະທານ ຄະນະກໍາມາທິການເພື່ອຄວາມກ້າວໜ້າຂອງແມ່ຍິງ ແລະ ແມ່-ເດັກ ແຫ່ງຊາດ ທີ່ໄດ້ເດີນທາງມາແຂວງສາລະວັນ ເພື່ອເຂົ້າຮ່ວມກອງປະຊຸມລາຍງານຜົນວິເຄາະຂໍ້ມູນກ່ຽວກັບ ການສຶຶກສາສະພາບຄວາມທຸກຍາກຂອງເດັກ ຈາກການປ່ຽນແປງດິນຟ້າອາກາດ-ໄພພິບັດ ແລະ ຄວາມໝາຍໝັ້ນຂອງບັນດາຮອງເຈົ້າແຂວງ ໃນລະຫວ່າງວັນທີ 15-16 ສິງຫານີ້ ພິທີຕ້ອນຮັບດັ່ງກ່າວໄດ້ຈັດຂຶ້ນຢູ່ທີ່ ແຫລ່ງທ່ອງທ່ຽວຕາດເລາະ-ຕາດຮັງ.
ໂອກາດດຽວກັນນີ້ ທ່ານ ຮອງຫົວໜ້າຫ້ອງວ່າການສໍານັກງານນາຍົກລັດຖະມົນຕີ ກໍໄດ້ສະແດງຄວາມເຫັນຕີລາຄາສູງຕໍ່ການ ຕ້ອນຮັບຢ່າງອົບອຸ່ນ ຂອງການນໍາແຂວງສາລະວັນ ພ້ອມທັງໄດ້ກ່າວຈຸດປະສົງໃນການເດີນທາງມາຢ້ຽມຢາມເຮັດວຽກຢູ່ແຂວງສາລະວັນ ຈາກນັ້ນຍັງໄດ້ທ່ຽວຊົມທໍາມະຊາດນໍ້າຕົກຕາດສູງ, ຕາດເລາະ-ຕາດຮັງ ເຊິ່ງເປັນແຫລ່ງທ່ອງທ່ຽວທີ່ມີຊື່ສຽງ, ສວຍສົດງົດງາມທາງທໍາມະຊາດ ກ່ອນທີ່ທ່ານຈະໄດ້ເຂົ້າຮ່ວມເຮັດວຽກ ໃນຄັ້ງວັນທີ 15-16 ສິງຫາ 2022 ທີ່ເເຂວງສາລະວັນ
ໂດຍ: ກິນດາວັນ ອ້ວນນາຄູ
#Medialaos MMD
