ກອງທຶນຊ່ວຍເຫຼືອສັງຄົມ ສະພາແຫ່ງຊາດ ໄດ້ຈັດພິທີມອບ-ຮັບເງິນ ສົມທົບທຶນເຂົ້າກອງທຶນຊ່ວຍເຫຼືອສັງຄົມສະພາແຫ່ງຊາດ ຈາກ ບໍລິສັດ Wang Investment ຈໍາກັດ ມູນຄ່າ 300.000.000 ກີບ ໃນວັນທີ 12 ສິງຫານີ້ ທີ່ຫໍສະພາແຫ່ງຊາດ.
ໃຫ້ກຽດມອບໂດຍ ທ່ານ ດິງຢຸງ ຫວັງ (Dingyu Wang) ປະທານ ບໍລິສັດ Wang Investment ຈໍາກັດ, ໃຫ້ກຽດຮັບໂດຍ ທ່ານ ນາງ ວິພາວັນ ພົມວິຫານ ປະທານກອງທຶນຊ່ວຍເຫຼືອສັງຄົມສະພາແຫ່ງຊາດ ພ້ອມດ້ວຍຄະນະຮັບຜິດຊອບກອງທຶນຊ່ວຍເຫຼືອສັງຄົມສະພາແຫ່ງຊາດ ແລະ ທ່ານຜູ້ຕາງໜ້າຈາກສະຫະພັນແມ່ຍິງສະພາແຫ່ງຊາດເຂົ້າຮ່ວມ.
ການຊ່ວຍເຫຼືອໃນຄັ້ງນີ້ ຈະເປັນການປະກອບສ່ວນເພື່ອໃຫ້ກອງທຶນໄດ້ນຳໄປສືບຕໍ່ຊຸກຍູ້ຊ່ວຍເຫຼືອສັງຄົມຄືກັບໄລຍະຜ່ານມາຕາມຈຸດປະສົງ ແລະ ເປົ້າໝາຍ ຂອງກອງທຶນ ໂດຍສະເພາະດ້ານວຽກງານສາທາລະນະສຸກ, ແພດໝໍ ທີ່ປະຕິບັດໜ້າທີ່ໂດຍກົງຕໍ່ການແຜ່ລະບາດພະຍາດໂຄວິດ-19, ວຽກງານການສຶກສາ ແລະ ຜູ້ທີ່ໄດ້ຮັບຜົນກະທົບຈາກໄພພິບັດທໍາມະຊາດ.
(ຂ່າວ: ແສງຈັນ)
#Medialaos MMD (ແຫຼ່ງຂໍ້ມູນຈາກ: ໜັງສືພິມປະຊາຊົນ)
