ວິທະຍຸກະຈາຍສຽງຫວຽດນາມລາຍງານວ່າ: ໃນ 2 ປີຜ່ານມາ, ວົງເງິນການສົ່ງອອກຂອງ ຫວຽດ
ນາມ ໄປ ອີຢູ ບັນລຸປະມານ 83 ຕື້ໂດລາ, ດ້ວຍລະດັບການເຕີບໂຕປະມານ 15%. ສັນຍາການຄ້າເສລີລະຫວ່າງ ຫວຽດນາມ – ອີຢູ (EVFTA) ມີທ່າແຮງ ແລະ ໂອກາດຫຼາຍຢ່າງໃນການສົ່ງອອກ-ນຳເຂົ້າ.
ຂ່າວລະບຸວ່າ: ກ່າວຄຳເຫັນທີ່ການໂອ້ລົມສົນທະນາກ່ຽວກັບການໝູນໃຊ້ສັນຍາ EVFTA ເພື່ອສ້າງເຄື່ອງໝາຍການຄ້າຂອງຂະແໜງສິນຄ້າໂດຍໜັງສືພິມອຸດສາຫະກຳ – ການຄ້າ ຫວຽດນາມ ຈັດຂຶ້ນໃນວັນທີ 8 ສິງຫາ ຜ່ານມາ, ຢູ່ຮ່າໂນ້ຍ, ທ່ານ ເຈິ່ນແທງຫາຍ ຮອງຫົວໜ້າກົມສົ່ງອອກ-ນຳເຂົ້າ, ກະຊວງອຸດສາຫະກຳ – ການຄ້າ ຫວຽດນາມ ໃຫ້ຮູ້ວ່າ: ພາຍຫຼັງທີ່ໄດ້ປະຕິບັດສັນຍາ EVFTA ມາເປັນເວລາ 2 ປີ, ສັນຍາ EVFTA ໄດ້ສ້າງກຳລັງໜູນທີ່ດີໃຫ້ແກ່ການເຄື່ອນໄຫວສົ່ງອອກຂອງ ຫວຽດນາມ. ພິເສດ, ໃນ 2 ປີຜ່ານມາ, ວົງເງິນການສົ່ງອອກຂອງ ຫວຽດນາມ ໄປ ອີຢູ ບັນລຸໄດ້ປະມານ 83 ຕື້ໂດລາ ດ້ວຍລະດັບການເຕີບໂຕປະມານ 15%. ສັນຍາ EVFTA ມີທ່າແຮງ ແລະ ໂອກາດຫຼາຍຢ່າງໃນການສົ່ງອອກ-ນຳເຂົ້າ ຍ້ອນ ອີຢູ ແມ່ນຕະຫຼາດຈຳໜ່າຍຫຼາຍຜະລິດຕະພັນຂອງ ຫວຽດນາມ. ໃນນັ້ນ, ມີບັນດາຜະລິດຕະພັນຄືສິນໃນນ້ຳ, ເຂົ້າສານ ແລະ ກໍ່ແມ່ນຕະຫຼາດບໍລິໂພກຫຼາຍຜະລິດຕະພັນອຸດສາຫະ ກຳຫຼາຍຮູບຫຼາຍແບບ.
ທ່ານ ໂງຈູງແຄງ ຮອງຫົວໜ້າກົມນະໂຍບາຍການຄ້າຫຼາຍຝ່າຍ, ກະຊວງອຸດສາຫະກໍາ ແລະ ການຄ້າ ຫວຽດນາມ ເນັ້ນໜັກວ່າ: ວິສາຫະກິດ ຫວຽດນາມ ໄດ້ໝູນໃຊ້ຄວາມເປັນຫຼາຍຮູບແບບຈາກສັນຍາ EVFTA, ບັນດາປະເພດສິນຄ້າ: ຜັກ, ໝາກໄມ້, ສິນໃນນ້ຳ ກໍ່ໄດ້ຮັບການຫຼຸດພາສີລົງ ແລະ ມີການເຕີບໂຕທີ່ດີຂຶ້ນ. ເຖິງວ່າ ອີຢູ ແມ່ນຕະຫຼາດທີ່ມີການກວດກາທາງດ້ານເຕັກນິກລະອຽດກໍ່ຕາມ, ແຕ່ວິສາຫະກິດຍັງຄົງຕອບສະໜອງຄວາມຮຽກຮ້ອງຕ້ອງການສູງເພື່ອເຊື່ອມຕົວເຂົ້າກັບຕະຫຼາດໄດ້. ສິ່ງດັ່ງກ່າວໄດ້ສະແດງໃຫ້ເຫັນເຖິງຈິນຕະນາການຂອງວິສາຫະກິດ ຫວຽດນາມ ທີ່ມີການປ່ຽນແປງເພື່ອຕອບສະໜອງຄວາມຕ້ອງການຂອງ ອີຢູ ແລະ ນຳສິນຄ້າເຂົ້າຕະຫຼາດຢ່າງມີແບບມີແຜນ.
