ວິທະຍຸກະຈາຍສຽງຫວຽດນາມລາຍງານວ່າ: ກອງປະຊຸມສຸດຍອດຊາວໜຸ່ມເຍົາວະຊົນ ສ.ເກົາຫຼີ – ອາຊຽນ ຄັ້ງທີ 3 ໄດ້ຈັດຂຶ້ນໃນວັນທີ 9 – 12 ສິງຫາ ຕາມຮູບແບບທາງໄກ ແລະ ໂດຍກົງ ຢູ່ສູນຊາວໜຸ່ມເຍົາວະຊົນສາກົນຢູ່ ນະຄອນຫຼວງ ເຊອູນ, ສ.ເກົາຫຼີ. ກອງປະຊຸມມີການເຂົ້າຮ່ວມຂອງຊາວໜຸ່ມເຍົາ ວະຊົນ ສ.ເກົາຫຼີ ແລະ 10 ປະເທດ ອາຊຽນ ເຂົ້າຮ່ວມຫຼາຍກວ່າ 100 ຄົນ.
ຂ່າວລະບຸວ່າ: ທ່ານນາງ ອາຊາລາ ອາເບຊິງເຫ ຜູ້ອຳນວຍການເຂດອາຊີ ຂອງສະຖາບັນການເຕີບໂຕສີຂຽວທົ່ວໂລກ (GGGI) ແລະ ທ່ານ ປຣາກ ຮາ ຢອງ ນັກເຄື່ອນໄຫວ ທີ່ຂຶ້ນກັບອົງການຊາວໜຸ່ມເພື່ອສິ່ງແວດລ້ອມສີຂຽວ ສ.ເກົາຫຼີ (GEYK) ໄດ້ກ່າວປາໄສກ່ຽວກັບຫົວຂໍ້: “ອະນາຄົດສາມາດຝັນໄດ້” ແລະ “ຊາວໜຸ່ມເຍົາວະຊົນເພື່ອການເຕີບໂຕສີຂຽວ”. ໃນວັນສຸດທ້າຍຂອງເຫດການ 12 ສິງຫາ, ກອງປະຊຸມຈະຍົກອອກຖະແຫຼງການຊາວໜຸ່ມເຍົາວະຊົນ ສ.ເກົາຫຼີ – ອາຊຽນ. ທ່ານ ລີ ກິ ຊູນ ຮອງລັດຖະມົນຕີກະຊວງແມ່ຍິງ ແລະ ຄອບຄົວ ສ.ເກົາຫຼີ ໄດ້ສະແດງຄວາມຫວັງວ່າ ເຫດການຄັ້ງນີ້ຈະເປີດປະຕູໃຫ້ແກ່ສຳພັນທະມິດ, ການຮ່ວມມືຂອງຊາວໜຸ່ມເຍົາວະຊົນ ສ.ເກົາຫຼີ ແລະ ອາຊຽນ, ຊຶ່ງແມ່ນອະ ນາຄົດຂອງຊາດ.
