ວັນທີ 8 ສິງຫາ 2022 ນີ້ ທີ່ຫ້ອງປະຊຸມ ນະຄອນຫຼວງພະບາງ ທ່ານ ດວງ ປະທຸມມະລັກ ຮອງອຳນວຍການ ບໍລິສັດ ພູສີກຼຸບ ຈຳກັດຜູ້ດຽວ ພ້ອມດ້ວຍພະນັກງານ ໄດ້ນໍາເງິນສົດ ມູນຄ່າ 10.000.000 ກີບ ໄປມອບໃຫ້ ອົງການປົກຄອງ ນະຄອນ ຫຼວງພະບາງ ເພື່ອປະກອບສ່ວນ ເຂົ້າໃນການຈັດງານບຸນຫໍ່ເຂົ້າປະດັບດິນ ຊ່ວງເຮືອເດືອນເກົ້າ ( 9 ) ປະຈຳປີ ພສ 2565 ຄສ 2022 ທີ່ນະຄອນ-ຫຼວງພະບາງ ມໍລະດົກໂລກ ໃຫ້ມີບັນຍາກາດຄຶກຄື້ນ, ໂດຍການຮັບຂອງທ່ານ ວຽງທອງ ຫັດສະຈັນ ເຈົ້ານະຄອນ ຫຼວງພະບາງ ພ້ອມດ້ວຍຄະນະ ເຂົ້າຮ່ວມເປັນສັກຂີ.
ໂອກາດດັ່ງກ່າວ ທ່ານ ວຽງທາອງ ຫັດສະຈັນ ເຈົ້ານະຄອນ-ຫຼວງພະບາງ ໄດ້ມອບໃບກຽດຕິຄຸນຂອງ ທ່ານ ເຈົ້ານະຄອນ ເພື່ອສະແດງຄວາມຮູ້ບຸນຄຸນ ເປັນອານຸສອນເອກອ້າງຜົນງານຂອງ ບໍລິສັດ ພູສີ ກໍ່ສ້າງ-ຂົວທາງ ພ້ອມທັງກ່າວຄຳຂອບໃຈຕໍ່ ບໍລິສັດ ພູສີ ກຼຸບ ຈຳກັດຜູ້ດຽວ ແລະ ທິມງານ ທີ່ໄດ້ໃຫ້ການອຸປະຖຳຊຸກຍູ້ຊ່ວຍເຫຼືອ ນະຄອນ ຫຼວງພະບາງ ຂໍອວຍພອນ ຕໍ່ບໍລິສັດ ພູສີ ກຼຸບ ຈຳກັດຜູ້ດຽວ ພ້ອມດ້ວຍທິມງານ ຈົ່ງປະສົບຜົນສຳເລັດທຸກໜ້າທີ່ວຽກງານ ແລະມີຄວາມຈະເລີນຮຸ່ງເຮືອງຂຶ້ນເລື້ອຍໆ.
ຂ່າວ: ສົມພອນ ວິໄລຜົນ
