ຕາມຂ່າວຈາກ ໂຕກຽວ,ວັນທີ2ສິງຫານີ້, ກະຊວງ ແຮງງານ ຍີ່ປຸ່ນ ຕົກລົງເຫັນດີໃຫ້ປັບຂຶ້ນຄ່າແຮງງານຂັ້ນຕ່ຳສະເລ່ຍ ຂອງປີງົບປະມານປັດຈຸບັນຊຶ່ງຈະຄົບກຳນົດ ໃນເດືອນມີນາ ປີໜ້າ ເພີ່ມຂຶ້ນ 31 ເຢນ ມາເປັນ 961 ເຢນຕໍ່ຊົ່ວໂມງ ຫລື ເພີ່ມຂຶ້ນເປັນ 3,3%.
ຂະນະທີ່ ທ່ານ ຟຸມິໂອະ ຄີຊິດະ(Fumio Kishida), ນາຍົກລັດຖະມົນຕີຍີ່ປຸ່ນ ໃຫ້ຄຳໝັ້ນສັນຍາຈະເພີ່ມທະວີການລົງທຶນ ເພື່ອປະຊາຊົນ ຕາມຍຸດທະສາດ “ທຶນນິຍົມໃໝ່” ທີ່ມີແຜນ ການລວມເຖິງ. ການເພີ່ມຂຶ້ນ ຄ່າແຮງງານ ຂັ້ນຕໍ່າ ສະເລ່ຍເປັນ 1.000 ເຢນຕໍ່ຊົ່ວໂມງ ຫລື ຫລາຍກວ່ານັ້ນໃຫ້ໄວທີ່ສຸດເພື່ອຫລຸດຜ່ອນຄ່າຄອງຊີບໃຫ້ແກ່ປະຊາຊົນ ເຖິງແມ່ນວ່າ ລັດຖະບານ ພວມປະເຊີນກັບບັນຫາການເພີ່ມຂຶ້ນ ຂອງຄ່າໃຊ້ຈ່າຍສູນກາງເຊັ່ນດຽວກັນ ກໍ່ຕາມ.
(ພາກຂ່າວ:ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
