ວິທະຍຸສາກົນແຫ່ງ ສປ ຈີນ,ທ່ານ ນາງ ເຮີຢົງຊຽນ, ໂຄສົກກະຊວງການຄ້າຈີນ ເປີດເຜີຍວ່າ: ນັບແຕ່ປີນີ້ ເປັນຕົ້ນມາ, ຄວາມສ່ຽງທີ່ການພັດທະນາເສດຖະກິດການຄ້າສາກົນຕ້ອງຜະເຊີນເພິ່ມຫລາຍຂຶ້ນຢ່າງຊັດເຈນ, ການຄ້າ ກັບຕ່າງປະເທດ ຂອງ ສປ ຈີນ ຮັກສາທ່າອ່ຽງໝັ້ນຄົງ ແລະ ກ້າວໜ້າ,ໃນ 7 ເດືອນຕົ້ນປີນີ້ ຈັງຫວະເຕີບໂຕແມ່ນ 3,5%. ການຄ້າຂາເຂົ້າ-ຂາອອກຕໍ່ຕະຫລາດຈະເລີນໃໝ່ ແລະ ອື່ນໆ ຂອງ ສປ ຈີນ ໄດ້ເພີ່ມ ຂຶ້ນ 5%, ກວມເອົາ 65,5%. ໃນນັ້ນການສົ່ງອອກສິນຄ້າຕໍ່ອາຊຽນ ແລະ ອາຟຣິກາ ຕ່າງໄດ້ເພີ່ມຂຶ້ນ 9,4% ແລະ 17,2% ຕາມລຳດັບ. ຂະນະທີ່ການສົ່ງອອກຜະລິດຕະພັນກົນຈັກ ແລະ ເຄື່ອງໄຟຟ້າ ໄດ້ເພີ່ມຂຶ້ນ 9,3%,ກວມເອົາ 60%,ເພີ່ມຂຶ້ນ 1,1% ເມື່ອທຽບໃສ່ໄລຍະດຽວກັນ ຂອງປີ 2024. ຜະລິດຕະພັນເຕັກໂນໂລຊີສູງທີ່ມີມູນຄ່າເພີ່ມສູງຕ່າງໆ ເຊັ່ນ: ເຄື່ອງໃຊ້ໃນເຮືອນແບບປັນຍາປະດິດ, ລົດພະລັງງານໄຟຟ້າ, ຫຸ່ນຍົນອຸດສາຫະກຳ ແລະ ກຳປັ່ນ ເປັນຕົ້ນໄດ້ຮັກສາຈັງຫວະການເຕີບໂຕຂອງການສົ່ງອອກອ່າວສູງ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
