ຕາມຂ່າວຈາກ CGTN, ກະຊວງ ສາທາລະນະສຸກໄທ ປະກາດວ່າ ນັບແຕ່ ວັນທີ 9 ກໍລະກົດນີ້ ເປັນຕົ້ນໄປ ສຳລັບ ການຈຳໜ່າຍ ກັນຊາ ໃນທົ່ວປະເທດ ຈະປະຕິບັດລະບຽບ ການຄຸ້ມຄອງ ຕາມໃບສັ່ງຢາ ຢ່າງເຂັ້ມງວດ. ຕາມລະບຽບການໃໝ່ ດັ່ງກ່າວ ກຳນົດວ່າ ຈຸດຂາຍກັນຊາ ທັງໝົດ ຕ້ອງອີງໃສ່ ໃບຢັ່ງຢາ ຂອງແພດໝໍ ທີ່ມີໃບອະນຸຍາດ ຈຶ່ງຈະສາມາດ ຈຳໜ່າຍກັນຊາໄດ້. ກະຊວງສາທາລະນະສຸກ ຈະຈັດຕັ້ງ ປະຕິບັດ ການຝຶກອົບຮົມ ສະເພາະ ເພື່ອຮັບປະກັນ ໃຫ້ພະນັກງານ ແພດໝໍ ຮັບຮູ້ເຂົ້າໃຈກ່ຽວ ກັບລະບຽບການ ອອກໃບສັ່ງຢາ. ຈາກນັ້ນ ທ່ານ ທານາກລິດ ຈີທາຣີຣັດ, ເລຂາທິການປະຈຳການ ກະຊວງ ສາທາລະນະສຸກໄທ ເປີດເຜີຍໃຫ້ຮູ້ວ່າ: ນັບແຕ່ ໄທ ປະຕິບັດ ນະໂຍບາຍ ການໃຊ້ກັນຊາ ຖືກຕ້ອງ ຕາມກົດໝາຍ ໃນປີ2022 ເປັນຕົ້ນມາ, ປະລິມານ ການໃຊ້ກັນຊາ ໃນປະເທດໄທ ໄດ້ເພີ່ມຂຶ້ນ 10ເທົ່າ, ສິ່ງນີ້ໄດ້ຊຸກຍູ້ ໃຫ້ລັດຖະບານ ວາງມາດຕະການ ຄວບຄຸມ ຢ່າງເຂັ້ມງວດ ກວ່າເກົ່າ. ຕາມສຳນັກຂ່າວໄທ ແຈ້ງຂ່າວວ່າ: ມາດຕະການ ຄຸ້ມຄອງ ກັນຊາ ທີ່ໃຊ້ເປັນຢາ ທີ່ກະຊວງສາທາລະນະສຸກໄທ ປະກາດ ໃຊ້ຫລ້າສຸດ ໄດ້ກຳນົດ ຢ່າງຈະແຈ້ງ ໂດຍຈັດເອົາ ກັນຊາ ເປັນພືດການຢາ ທີ່ຕ້ອງຄວບຄຸມ ຕາມໃບສັ່ງຢາ, ໂດຍກຳນົດ ໃຫ້ຜູ້ຈຳໜ່າຍ ທັງໝົດ ຕ້ອງກວດຄືນ ໃບສັ່ງຢາ, ພ້ອມທັງ ສ້າງຕັ້ງລະບົບ ສືບຫາ ແຫລ່ງທີ່ມາ ທີ່ໄດ້ມາດຕະຖານ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
