ຕາມລາຍງານ ຫລ້າສຸດ ຈາກນະຄອນຫລວງ ມະນິລາ ກ່ຽວກັບ ສະຖານະການ ແຜນດິນໄຫວ ໃນຟິລິບປິນ ໃນວັນທີ27ກໍລະກົດນີ້ ມີຜູ້ເສຍຊີວິດ ຢ່າງໜ້ອຍ 4ຄົນ ແລະ ບາດເຈັບອີກ 60ຄົນ. ຂະນະທີ່ ເຮືອນປະຊາຊົນ ໄດ້ຮັບຄວາມເສຍຫາຍ ຫລາຍຫລັງ.ຂະນະທີ່ ຈຸດສູນກາງ ແຜ່ນດິນໄຫວ ຫ່າງຈາກ ເມືອງໂດໂລເຣສ ໄປທາງຕາເວັນອອກສ່ຽງໃຕ້ ປະມານ 11 ກິໂລແມັດ ແລະ ຢູ່ເລິກພຽງ10 ກິໂລແມັດ.
ສ່ວນອາຄານ 173 ແຫ່ງ ໄດ້ຮັບ ຄວາມເສຍຫາຍ ແລະ ມີລາຍງານ ດິນເຈື່ອນ 58ຈຸດ. ປັດຈຸບັນ ເຈົ້າໜ້າທີ່ ກູ້ໄພ ຟີລິບປິນ ເລັ່ງໃຫ້ການ ຊ່ວຍເຫລືອ ຜູ້ເຄາະຮ້າຍ ຈາກເຫດການ ດັ່ງກ່າວ./. (ພາກຂ່າວ: ຕ່າງປະເທດ)
ຮຽບຮຽງຂ່າວໂດຍ: ສະໄຫວ ລາດປາກດີ
