ວິທະຍຸກະຈາຍສຽງຫວຽດນາມ, ວັນທີ 3 ເມສາ, ຢູ່ຮ່າໂນ້ຍ, ທ່ານ ຟ້າມມິງຈິງ, ນາຍົກລັດຖະມົນຕີຫວຽດນາມ, ຫົວໜ້າ ຄະນະຊີ້ນຳ ກ່ຽວກັບການສ້າງສູນການເງິນສາກົນ ຢູ່ ສສ ຫວຽດນາມ ໄດ້ເປັນປະທານກອງປະຊຸມຄັ້ງທີ 1 ຂອງຄະນະຊີ້ນຳ ເພື່ອສຳຫລວດກວດຄືນບັນດາວຽກງານທີ່ໄດ້ປະຕິບັດແລ້ວ ກໍ່ຄືບັນດາໜ້າທີ່ຈະປະຕິບັດໃນໄລຍະຈະມາເຖິງເພື່ອແນໃສ່ຊຸກຍູ້ການສ້າງສູນການເງິນສາກົນ ຢູ່ ສສ ຫວຽດນາມ. ໃນໂອກາດນີ້ ທ່ານ ຟ້າມມິງຈິງ ໄດ້ຮຽກຮ້ອງສ້າງຮູບແບບສູນການເງິນສາກົນເໝາະສົມກັບສະພາບການ ແລະ ເງື່ອນໄຂພັດທະນາຫວຽດນາມ; ສ້າງບັນດາກົນໄກນະໂຍບາຍເອກະລາດ, ພິເສດ, ບຸກທະລຸ, ມີກຳລັງແກ້ງແຍ້ງ. ພ້ອມທັງຍົກໃຫ້ເຫັນວິວັດການປະຕິບັດການທົດລອງສູນການເງິນສາກົນ ທີ່ມີໄລຍະ 5 ປີຂຶ້ນໄປ ແລະ ຮຽກຮ້ອງຕ້ອງຊັ່ງຊາການສ້າງ1–2 ສູນການເງິນ ທີ່ເຄື່ອນໄຫວຮັບປະກັນບັນດາຂໍ້ກຳນົດ ຂອງກົດໝາຍ ຫວຽດນາມ, ສອດຄ່ອງກັບເງື່ອນໄຂ, ມາດຕະຖານ, ກົດໝາຍສາກົນ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
