ສຳນັກຂ່າວ ຕ່າງປະເທດ ລາຍງານ ຈາກ ນະຄອນຫລວງ ວໍຊິງຕັນ ຂອງ ສ.ອາເມລິກາ ເມື່ອວັນທີ 15 ມັງກອນ 2025, ທ່ານ ໂດນັນທຣຳ ຮັກສາການ ປະທານາທິບໍດີ ສ.ອາເມລິກາ ປະກາດ ແຜນການ ຜ່ານແພລດຟອມ ທຣູໂຊຊຽວ ວ່າ: ໜຶ່ງໃນແຜນການ ທີ່ຈະດຳເນີນ ການທັນທີ ເມື່ອຮັບຕໍາແໜ່ງ ໃນວັນທີ 20 ມັງກອນນີ້ ກໍຄື ການຈັດຕັ້ງ ສຳນັກງານ ບໍລິຫານ ລາຍໄດ້ ພາຍນອກ ຊຶ່ງຈະມີໜ້າທີ່ ໂດຍກົງ ໃນການ ເກັບພາສີ ຄ່າທຳນຽມ ແລະ ລາຍໄດ້ທັງໝົດ ທີ່ ຈະມາຈາກ ແຫລ່ງເງິນ ໃນຕ່າງປະເທດ.
ຢ່າງໃດກໍ່ຕາມ ຍັງບໍ່ມີຄວາມແນ່ນອນວ່າ ສຳນັກງານ ດັ່ງກ່າວ ຈະມີສະຖານະ ທຽບເທົ່າ ໜ່ວຍງານຂອງລັດຖະບານກາງ, ໃນຂະນະທີ່ ທ່ານ ໂດນັນທຣຳ ສັນຍາວ່າ ສຳນັກງານແຫ່ງນີ້ ຈະຢູ່ໃນສະຖານະ ດຽວກັບ ສຳນັກງານ ພາສີແຫ່ງຊາດ.
