ສ່ວນປະສົມປາຈືນສາມລົດຊາດ
1. ຕ່ອນປາ (ເຊັ່ນ: ປາບຶກ, ປານິນ ຫຼື ປາອື່ນໆ ຕາມໃຈມັກ) 2-3 ຕ່ອນ
2. ແປ້ງນົວ 1/4 ຖ້ວຍ
3. ນ້ຳມັນພືດສຳລັບຈືນປາ
4. ຫົວຜັກທຽມ 2 ງີມ
5. ໝາກເຜັດ 2-3 ໜ່ວຍ (ສາມາດໃສ່ໄດ້ຕາມໃຈ)
6. ນ້ຳຕານ 1 ບ່ວງແກງ
7. ຊ໊ອດໝາກຂາມ 1 ບ່ວງແກງ
8. ຊ໊ອດຫອຍນາງລົມ 1 ບ່ວງແກງ
9. ຊ໊ອດຖົ່ວເຫຼືອງ 1 ບ່ວງແກງ
10. ນ້ຳ 3 ບ່ວງ
11. ນ້ຳໝາກນາວ 1-2 ບ່ວງແກງ
#ວິທີເຮັດ
1. ກຽມຕ່ອນປາ: ລ້າງຕ່ອນປາໃຫ້ສະອາດ ແລະ ປະໃຫ້ແຫ້ງ ແລ້ວເອົາປາຈຸ່ມແປ້ງເຂົ້າຈ້າວ (ທ່ານສາມາດນໍາໃຊ້ແປ້ງສຳເລັດຮູບໄດ້)
2. ຈືນປາ: ຕັ້ງໝໍ້ໃຫ້ຮ້ອນແລ້ວໃສ່ນໍ້າມັນພືດ ໃສ່ປາລົງໄປແລ້ວຈືນໃຫ້ສຸກ (ປະມານ 3-4 ນາທີ) ຫຼັງຈາກນັ້ນ ຕັກຂື້ນມາວາງໃສ່ເຈັ້ຍຊັບນໍ້າມັນ
3. ວິທີເຮັດຊ໊ອດ: ໃຊ້ໝໍ້ໃບດຽວກັນກັບຈືນປາ ຕື່ມນ້ໍາມັນເລັກນ້ອຍ ແລ້ວປັບຄວາມຮ້ອນຂະຫນາດກາງ ໃສ່ຜັກທຽມ ແລະ ໝາກເຜັດ ຈືນລົງຈົນມີກິ່ນຫອມ ຕື່ມນ້ຳຕານຕານ, ຊ໊ອດໝາກຂາມ, ຊ໊ອດຫອຍນາງລົມ, ຊ໊ອດຖົ່ວເຫຼືອງ ແລະ ນ້ໍາທໍາມະດາ ຄົນໃຫ້ເຂົ້າກັນ ປຸງລົດຊາດດ້ວຍນ້ຳໝາກນາວ ແລະ ພິກໄທ ຊິມລົດຊາດຕາມຄວາມຕ້ອງການ (ຖ້າຢາກໃຫ້ມີລົດຊາດຫວານກໍ່ສາມາດເພີ່ມນ້ຳຕານໄດ້)
4. ປາປະສົມກັບນ້ຳຊ໊ອດ: ເອົາປາຈືນທີ່ກຽມໄວ້ ແລ້ວເອົາຊ໊ອດທີ່ເຮັດໄວ້ ຄົນໃຫ້ເຂົ້າກັນແບບເບົາໆ ໃຊ້ໄຟປານກາງ ປະໄວ້ປະມານ 1-2 ນາທີ
5. ຮັບປະທານ: ຕັກປາໃສ່ຈານ ໂຮຍໝາກເຜັດ ຫຼື ຜັກຊີ (ຖ້າມັກ) ແລະ ຮັບປະທານກັບເຂົ້າໜຽວ
