ບໍລິສັດ ການບິນ ຫວຽດເຈັດ ແລະ ກະຊວງໂຍທາທິການ ແລະ ຂົນສົ່ງ ສປປ ລາວ ປະກາດສັນຍາການສະໜັບສະ ໜູນໃຫ້ຄໍາປຶກສາສໍາຫຼວດ ສ້າງແຜນກໍານົດສັງລວມເຄືອຂ່າຍສະໜາມບິນ ສະໜາມບິນຂອງລາວ ໂດຍການເຂົ້າຮ່ວມເປັນສັກຂີພະຍານຂອງພະນະທ່ານ ສອນໄຊ ສີພັນດອນ ນາຍົກລັດຖະມົນຕີ ສປປ ລາວ ແລະ ພະນະທ່ານ ຟ້າມ ມິງ ຈິ໋ງ ນາຍົກລັດຖະມົນຕີ ສສ ຫວຽດນາມ ໃນໂອ ກາດກອງປະຊຸມຮ່ວມມືລົງທຶນ ລາວ-ຫວຽດນາມ ໃນວັນ ທີ 9 ມັງກອນ 2025 ຢູ່ນະຄອນຫຼງວຽງຈັນ.
ສັນຍາການສະໜັບສະໜູນດັ່ງກ່າວ ນອນຢູ່ໃນໂຄງການ “ຄົ້ນຄວ້າ ວາງແຜນກໍານົດເຄືອຂ່າຍສະໜາມບິນ ສະໜາມ ບິນລາວ ຮອດປີ 2030 ວິໄສທັດຮອດປີ 2050” ໂດຍກະ ຊວງໂຍທາທິການ ແລະ ຂົນສົ່ງ ສປປ ລາວ ຮັບຜິດຊອບ ໂດຍມີຈຸດປະສົງເພື່ອຍົກສູງຄວາມສາມາດດ້ານໂຄງລ່າງການເດີນອາກາດ (ຂະ ແໜງການບິນ) ຮັບປະກັນການພັດທະນາຄົບຊຸດ ທັນສະໄໝ ແລະ ຍືນຍົງຂອງລາວ ພ້ອມນີ້ໂຄງການດັ່ງກ່າວຍັງສອດຄ່ອງກັບບັນດາເປົ້າໝາຍ ແລະ ກໍານົດທິດລວມ ທີ່ລັດຖະບານທັງສອງປະເທດ ໄດ້ເປັນເອກະພາບກັນໃນບົດບັນທຶກຊ່ວຍຈໍາ ວ່າດ້ວຍຍຸດທະສາດການຮ່ວມມືດ້ານການຄົມມະນາຄົມຂົນສົ່ງ ລະຫວ່າງລັດ ຖະບານລາວ ແລະ ລັດຖະບານຫວຽດນາມ ໃນໄລຍະປີ 2016-2025 ຄາດຄະເນວ່າໂຄງການຈະຈັດຕັ້ງປະຕິບັດພາຍໃນກໍານົດເວລາ 6 ເດືອນ.
ປີ 2023 ຫວຽດເຈັດ ໄດ້ເປີດນໍາໃຊ້ສູນບໍາລຸງຮັກສາເຮືອ ບິນທີ່ທັນສະໄໝຢູ່ລາວ ໂດຍຫວຽດເຈັດ ແລະ ລັດວິ ສາຫະກິດການບິນລາວ (ລາວແອລາຍ) ສົມທົບກັນບໍລິຫານ ຫຼັງຈາກນັ້ນສາຍການບິນຫວຽດເຈັດ ໄດ້ເປີດເສັ້ນທາງບິນກົງ ລະຫວ່າງນະຄອນໂຮ່ຈິມິນ ແລະ ນະຄອນຫຼວງວຽງ ຈັນ ພ້ອມນີ້ຍັງໄດ້ຮ່ວມມືກັບລັດວິສາຫະກິດການບິນລາວ ເປີດເສັ້ນທາງບິນກົງ ວຽງຈັນ-ຮ່າໂນ້ຍ ບໍ່ພຽງແຕ່ເຊື່ອມຕໍ່ນະຄອນຫຼວງວຽງຈັນ ແລະ ບັນດາທ້ອງຖິ່ນຂອງລາວ ກັບ ຫວຽດນາມ ເທົ່ານັ້ນ ບັນດາເສັ້ນທາງບິນຂອງຫວຽດເຈັດ ຍັງຊ່ວຍໃຫ້ການໄປ-ມາຫາສູ່ໄດ້ງ່າຍດາຍ ແລະ ສະດວກສະບາຍຍິ່ງຂຶ້ນ ດ້ວຍເຄືອຂ່າຍການບິນທີ່ກວມທົ່ວປະເທດຫວຽດນາມ ແລະ ຈຸດຕ່າງໆຢູ່ປະເທດອົດສະຕຣາລີ ອິນ ເດຍ ສ ເກົາຫຼີ ຍີ່ປຸ່ນ ຈີນ ອິນໂດເນເຊຍ ໄທ ສິງກະໂປ ມາ ເລເຊຍ ກາຊັກສະຖານ ແລະ ອື່ນໆ.
ປັດຈຸບັນ ຫວຽດນາມ ແມ່ນໜຶ່ງໃນບັນດານັກລົງທຶນ ຄູ່ຮ່ວມມືດ້ານການຄ້າທີ່ໃຫຍ່ທີ່ສຸດຂອງລາວ ພິ ເສດໃນຂົງ ເຂດການຄົມມະນາຄົມຂົນສົ່ງ ການທ່ອງທ່ຽວ ວິທະຍາ ສາດ-ເຕັກນິກ ລວມທັງບັນດາໂຄງການໃໝ່ຂອງຫວຽດເຈັດ ບໍລິສັດຍັງຈະສືບຕໍ່ຮ່ວມມືກັບກົມການບິນພົນລະ ເຮືອນຂອງລາວ ເພື່ອປະຕິບັດບັນດາໂຄງ ການການບິນພົນລະເຮືອນ ເປີດກວ້າງການເຄື່ອນໄຫວຢູ່ລາວ ດ້ວຍການໃຫ້ຄໍາໝັ້ນສັນຍາວ່າຈະສ້າງວຽກເຮັດງານທໍາໃໝ່ ໃຫ້ໄດ້ 2.500 ຕໍາແໜ່ງງານ ໃນຂະແໜງການບິນຂອງລາວ ນອກນີ້ສະຖາບັນການບິນຫວຽດເຈັດ ຈະຮັບພາລະບົດບາດໃນການສ້າງບຸກຄະລາກອນຕາມມາດຕະຖານສາກົນ ໄປຄຽງຄູ່ກັບການສ້າງຕັ້ງສະ ຖານບໍາລຸງຮັກສາດ້ານເຕັກນິກ (MRO) ເອກະລາດຢູ່ລາວ ຕື່ມອີກ.
