ວິທະຍຸສາກົນ ແຫ່ງ ສປ ຈີນ ວັນທີ 24 ທັນວານີ້ ບໍລິສັດການບິນຊຽງເພີງຢຸນນານຈຳກັດ ໄດ້ເປີດເສັ້ນທາງການບິນສາກົນ ຈາກນະຄອນຄຸນໝິງ ແຂວງຢຸນນານຈີນ ໄປຫາ ນະຄອນຫລວງວຽງຈັນ ຂອງ ສປປ ລາວ, ເພື່ອຕອບສະໜອງຄວາມຕ້ອງການດ້ານການອອກເດີນທາງດ້ວຍເຮືອບິນທີ່ສະດວກ ແລະ ລາຄາຖືກ. ຕາມແຜນການ, ເສັ້ນທາງການບິນ ດັ່ງກ່າວຈະເປີດຖ້ຽວບິນໃນທຸກວັນອັງຄານ, ວັນພະຫັດ ແລະ ວັນເສົາ. ບິນອອກຈາກສະໜາມບິນສາກົນສາງສຸຍຄຸນມິງ ໃນເວລາ 16 ໂມງ 35 ນາທີ ແລະ ໄປຮອດສະໜາມບິນສາກົນວັດໄຕ ຂອງນະຄອນຫລວງວຽງຈັນ ໃນເວລາ 17 ໂມງ 20 ນາທີ, ລະຫັດຖ້ຽວບິນແມ່ນ 8L861; ສ່ວນລະຫັດຖ້ຽວບິນ ທີ່ກັບຄືນ ແມ່ນ 8L862, ບິນອອກຈາກສະໜາມບິນສາກົນວັດໄຕ ໃນເວລາ 18 ໂມງ 20 ນາທີ ແລະ ມາຮອດສະໜາມບິນສາກົນສາງສຸຍຄຸນໝິງ ໃນເວລາ 21 ໂມງ 5 ນາທີ.
(ບັນນາທິການຂ່າວ: ຕ່າງປະເທດ)
ຮຽບຮຽງ ຂ່າວໂດຍ: ສະໄຫວ ລາດປາກດີ
