ເປັນເຊື້ອໄວຣັສຊະນິດໜື່ງ ຊື່ງເປັນສາເຫດທີ່ສໍາຄັນ ຂອງອາຫານເປັນພິດ ແລະ ການຕິດເຊື້ອໃນກະເພາະລໍາໄສ້ ມີຢູ່ໃນທົ່ວໂລກ, ເຊື້ອໄວຣັສຊະນິດນີ້ມັກຈະແຜ່ລາມຢ່າງໄວວາໃນຊຸມຊົນເຊັ່ນ: ໂຮງຮຽນ, ໂຮງຫມໍ ແລະ ອື່ນໆ… ການປ້ອງກັນດ້ວຍຫຼັກການ “ສຸກ, ຮ້ອນ, ສະອາດ” “Norovirus” ເປັນເຊື້ອພະຍາດກະເພາະລໍາໄສ້ ທີ່ສາມາດອາໄສຢູ່ໃນອາຈົມຂອງຄົນເຈັບໄດ້ເຖິງ 2 ອາທິດ ແລະ ແຜ່ລາມໄດ້ງ່າຍ ໂດຍສະເພາະໃນລະດູຫນາວ ບໍ່ສາມາດທໍາລາຍເຊື້ອພະຍາດນີ້ດ້ວຍເຫຼົ້າໄດ້.
🔸ອາການຂອງພະຍາດ
ປວດຮາກ ແລະ ຮາກ
ເຈັບທ້ອງ ແລະ ຖອກທ້ອງ
ອາດມີອາການໄຂ້ ແລະ ເມື່ອຍ.
ປວດເມື່ອຍຕາມຮ່າງກາຍ
🔸ການຕິດເຊື້ອສາມາດຕິດຕໍ່ໄດ້ດ້ວຍ:
ກິນ ຫຼື ດື່ມນ້ໍາທີ່ມີເຊື້ອພະຍາດ norovirus
ການຈັບ ຫຼື ສໍາຜັດສິ່ງຂອງທີ່ມີເຊື້ອພະຍາດ norovirus
ການສຳພັດກັບຄົນເຈັບ ທີ່ເປັນພະຍາດ norovirus ໂດຍກົງ
🔸ວິທີປ້ອງກັນພະຍາດ:
ລ້າງມືດ້ວຍສະບູ ແລະ ນໍ້າສະອາດຢູ່ສະເໝີ ກ່ອນທີ່ຈະຈັບອາຫານ.
ລ້າງສ່ວນປະກອບ ສຳລັບຈະປຸງແຕ່ງອາຫານໃຫ້ສະອາດ.
ກິນອາຫານທີ່ປຸງແຕ່ງສຸກ ແລະ ຖືກຫຼັກອະນາໄມ.
ໃຊ້ບ່ວງກາງໃນເວລາກິນອາຫານຮ່ວມກັນ.
ຫຼີກລ້ຽງການດື່ມນໍ້າ ຫຼື ນໍ້າກ້ອນທີ່ບໍ່ສະອາດ.
ໃນປັດຈຸບັນບໍ່ມີຢາປິ່ນປົວສະເພາະສໍາລັບເຊື້ອພະຍາດ norovirus ເຊີ່ງຕ້ອງປິ່ນປົວຕາມອາການ.
⚠️ຖ້າທ່ານມີອາການຮຸນແຮງ ເປັນຕົ້ນຂາດນໍ້າຢ່າງຮຸນແຮງ ທ່ານຄວນຮິບໄປຫາແພດທັນທີ.
